掃呢頁CODE去手機

2015年5月29日 星期五

高人指點 陳豪煞停咖啡店 [忽然1周 - 1035] 陳豪,MW,



陳豪多年來醉心研究咖啡,不時周遊列國尋找香味獨特的咖啡豆,目的是要沖調出一杯迎合市場令人一試難忘的咖啡,估唔到高人指點令他煞停開舖大計。

娛樂喧

高人指點 陳豪煞停咖啡店

今次真係要講句:「同朕 hold住!」三年抱兩的陳豪,去年開始為開自家咖啡店四出張羅,曾意屬在尖沙嘴一大型商場開店,但今年初卻被位於灣仔區「囍歡里」過千呎地舖所吸引。有視帝進駐做生招牌,發展商當然好歡迎,還由月租 20萬劈價至 7萬的超低價利誘陳豪動筆簽租約。

陳豪的咖啡店原定於 5月開張大吉,與細仔 Nathan一同慶祝百日宴,但高人一句:「唔好心急,睇定啲先。」他即煞停開舖大計。外表西化的陳豪,原來篤信風水,最近更因為大埔比華利山寓所風水問題要裝修,要與老婆陳茵媺暫時分居㖭。

早於 08年,陳豪已揚言想開咖啡店,到 2011年他在大馬開了他的「處女店」,可惜經營不善關門大吉。近年陳豪蠢蠢欲動有意在港開咖啡旗艦店,這不但是其多年夢想,更是送給老婆陳茵媺及兩個囝囝的禮物。據知旗艦店的計劃書足足有黃頁咁厚,投資總額近 8位數。

灣仔囍歡里

位於利東街囍歡里的地盤,現時仍未完工,據了解該商場要到年尾才能開業。

2月地盤視察

今年 2月,陳豪戴上白色安全帽現身囍歡里實地視察,不時指手畫腳的他似乎非常感興趣。

睇勻港九舖位

去年陳豪四出尋覓理想的開店地點,明星效應吸引很多商戶向他招手,今年他終於睇中灣仔的重建新地標「囍歡里」,即以前的利東街。據知情人士透露:「阿 Mo舊年睇中尖沙嘴一個大型商場,租金同條件傾好晒,只係未俾訂。點知佢拖咗好耐,最後仲冇咗件事。後來經紀再帶佢去睇灣仔囍歡里,佢好鍾意嗰度。發展商見有明星想租,個舖位千幾呎本來要 20萬月租,一開始已主動減租一半,好想簽妥呢份約。不過阿 Mo好信風水命理, 2月去現場睇完個舖位後,影咗好多相俾師傅睇,師傅只係講咗句:『唔好心急,睇定啲先!』發展商見佢猶豫,最後減到 7萬,合約為期 3年。租金低成咁,但陳豪都係唔敢簽。之後陳豪仲叫其他經紀幫佢繼續搵港島嘅舖位。」難為經紀為他四出奔波,所以地產界最近傳出陳豪是麻煩租客。

因為高人一句說話,陳豪即煞停計劃。但他對咖啡的熱誠未有退減。去年他在荃灣租了一個工廈單位,作為研究咖啡的實驗室。早前他用了巴西、哥倫比亞和埃塞俄比亞的咖啡豆,成功研製出一款獨一無二的咖啡,味道微苦不帶酸味,該咖啡亦已在陳豪好友的食店推出。

荃灣實驗室

雖然咖啡店開唔成,但陳豪為了研發咖啡,於荃灣工廈租了一個單位作為研究所。由產地挑選、沖煮方法到烘焙程序,全部都自家製。

圖片

得閒湊仔

陳豪是出名的好老公與廿四孝好老竇,只要一有空閒時間都會享家庭樂。 4月初陳茵媺剛坐完月,夫婦二人便帶大仔 Aiden到鴨脷洲掃 BB用品。

每日多啡

咖啡迷陳豪每日飲數杯咖啡,經常被影到去連鎖店買咖啡。相信其咖啡王國建成後,他才能日日嘆自家咖啡,唔使出街外求。

裝修風水屋要分居

開店無望,陳豪近月埋首努力拍劇搵奶粉錢。據知月前高人向他表示要改動家中某些位置,有利囝囝和老婆健康,他即時進行裝修。為了方便返大台開工,他獨自遷入調景嶺都會駅舊居,而老婆陳茵媺、兩個寶貝仔 Aiden和 Nathan及外父外母,則租住將軍澳的服務式住宅,因而傳出陳豪夫婦感情有變要分居。

對於咖啡旗艦店要煞停,本刊曾致電陳豪求證。對於是否擱置租囍歡里地舖?以及發展商曾劈價一半利誘等提問,他一概都只回應:「現時仲係保密階段,暫時未有資料可以公布。唔好心急,遲啲會話你知。」投資咖啡王國一波三折,只因陳豪每次搵舖位都要過風水一關,要夾啱天時、地利、人和,唔知使唔使等到 2046年呢?

風水屋大裝修

陳茵媺在今年 2月底誕下細仔 Nathan後,陳豪曾找高人到大埔比華利山寓所睇風水,為了母子的健康,高人建議大宅要全面裝修。

全職家庭主婦

為陳豪誕下兩子的陳茵媺,現時除留家照顧兩個寶貝仔外,只會出席簡單輕便的剪綵活動或接拍廣告代言工作。被老公陳豪下令暫停拍劇的她,在家過少奶奶湊仔生活,單從其微博所 post的照片,可見陳茵媺其實好 enjoy。

陳茵媺於 4月初曾與好友外出慶祝生日,其餘時間她都忙餵人奶及湊 B。

現時大仔 Aiden只有一歲多,而細仔 Nathan則 3個月大,二人的腳仔放在一起感覺十分奇妙。而紅色的掌印畫就是 Aiden第一次送給陳茵媺的母親節禮物。

鍾意就快D Share啦!