掃呢頁CODE去手機

2015年5月29日 星期五

發夢祖兒 多得好媽媽 [忽然1周 - 1035] 祖兒,容祖兒,MW,



睇吓容祖兒個樣,雙眼袋兼眼耷耷,好明顯一副未瞓醒嘅樣啦。

媽咪姐

發夢祖兒 多得好媽媽

呢排忙到甩轆嘅容祖兒,除咗要預備九月同李克勤嘅演唱會,仲拍緊大陸一個玩運動嘅真人騷節目。難得返香港,呢日朝早十點半佢已經同李克勤到商台宣傳,不過成個人都好似未瞓醒咁囉。







一坐低,容祖兒就話:「呢輪都係同啲世界冠軍玩開,因為我哋去……」想繼續講之際,李克勤就話:「講唔講得㗎?」容祖兒如夢初醒,「其實唔講得住。」好,轉 topic,容祖兒話:「講吓我哋個海報啦。」李克勤話:「都出咗街咯!」發緊夢嘅容祖兒:「係喎……」隔籬嘅李克勤真係俾佢吹到「啤」一聲。

好在瞓唔醒嘅祖兒有個好媽媽,每次返親屋企,容媽媽都會準備有愛心「癲拿」。話想出去行街,容媽媽又即刻換好衫陪祖兒行咗成粒鐘。唔係有個貼心阿媽,邊得嚟 Joey咁身光頸靚、皮膚滑淨吖,係咪?

朝早就開工,對湊開仔嘅李克勤嚟講梗係唔算早嘅,但對容祖兒嚟講……包容吓啦克勤。

容祖兒搭飛機多過搭車,容媽媽都叫阿女休息一下,仲煮埋愛心餐。

鍾意就快D Share啦!