掃呢頁CODE去手機

2015年5月29日 星期五

應采兒明做第三者 [忽然1周 - 1035] 應采兒,MW,



應采兒話晒係監製,鍾意攬邊個都得, Stephy喺隔籬睇住男友方力申俾人攬,都冇力反抗。

媽咪姐

應采兒明做第三者

方力申同鄧麗欣呢一對,近排奉旨打情罵俏,事關佢哋最近孖住拍樂視網劇《天才在左瘋子在右》囉!

方力申演有暴力傾向嘅精神病患者,好易情緒激動,郁吓就發脾氣。但只有 Stephy至睇到,唯一治佢嘅方法,就係俾糖佢食,真搞笑!做監製嘅應采兒就安排 Stephy同柯有倫做一對,話咁安排法,方力申一定會嚟監場,順便可以補戲呀。

不過應采兒以演戲為名,成日借啲意係咁攬方力申, Stephy梗知道佢哋只係玩不過又要扮嬲。成班人開工玩埋一堆,真係幾鬼開心㗎。媽咪姐最羨慕都係 Stephy,開工有錢賺,收工有人送返屋企,咁好做嘅工,喺邊度搵。

方力申得閒就同杜德偉哥哥杜德智(右一)去健身,睇佢身形同塊面向橫發展,就知有練過。

見到 Stephy咁無奈,應采兒睇嚟好有成功感。睇吓佢隻手仲係摸住方力申背脊㗎!

鍾意就快D Share啦!