網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2015年5月6日 星期三

有價冇市 東莞夜場被摸下體 何浩文:富婆開價$100萬 [FACE - 415] 何浩文,MF,



近月飛勻大江南北登台搵銀,何浩文上得山多終遇虎,上週三( 29日)在東莞夜場遇上猴擒男觀眾。

真面目

有價冇市 東莞夜場被摸下體 何浩文:富婆開價$100萬

做戲同現實,原來唔係人人識分!

何浩文( Dominic)為套戲晒鵰又賣身,「鴨王」形象深入民心係禍定係福?食住電影個勢登台走遍大江南北搵到係福,俾班強國觀眾抽水摸雕又問價,呢啲咪禍囉!蝕底後公開呻,隔住個 mon都睇到 Dominic堅係嬲:「我是藝人演員歌手,不是鴨!」不過俾強國富婆出價百萬月包,佢就話得啖笑:「一百萬我唔使一個月都搵到」好大口氣啫!

賀歲檔宣傳完套《鴨王》兩個月,男主角何浩文( Dominic)失蹤兩個月。身為王晶旗下愛將,話就話有晶哥新戲、新劇等開工,不過年中至開鏡,「鴨王」下落確係疑點重重!上週三( 29日),絕跡微博兩個月嘅 Dominic突然有發表,話差啲被男性摸下體、俾流氓激到「發瘋」,原來人在強國巡迴登台。

拍過寫真又演過鴨王, Dominic粉絲一向有男亦有女。

好彩眼明手快及時避開,完騷後 Dominic怒氣未消,連發兩條微博鬧爆:「你亂摸,我會送你教訓!」

猴擒男事後被保安帶離場,餘下表演 Dominic亦提高警覺與台下觀眾保持距離。

《鴨王》上畫後, Dominic在強國有價有市,僅僅四至五月已接過五十場登台,以每場 6萬計,收入過 3百萬。

08年出道,捱足 6年才被王晶睇中主演《鴨王》, Dominic話年中再有電視劇和電影開鏡,星運好過女主角袁嘉敏喎!

兩月賺 3百萬

唔怪得之好多奀模,只係試過吓鏡都話自己係《夜蒲》女星,港產明星連掛名嗰隻都喺內地夜場有價有市,更何況如假包換《鴨王》男主角?據悉《鴨王》未落畫, Dominic登台商演價已經直線上升,近兩個月更達高峰,六十日內走勻廣東福建浙江河南,連走五十場,每場酬勞 6萬人仔,保守估計已經袋過三百萬。

「啲錢都未袋落袋,見到先算不過呢兩個月我真係返咗香港一晚咁大把咋,日日飛晚晚唱真係咩人都見過。除咗嗰個想摸我嘅男人,喺溫州仲試過有個女人塞咗張杯墊俾我,寫住一百萬陪佢一個月……咁一百萬我都搵到啦,計落又唔係好多啫。識我嘅人都知我入行係為做戲唔係為錢,做鴨淨係會喺戲入面發生囉!」係囉,大媽係唔係睇《鴨王》抽離唔到呢?

家陣「鴨王」登台出騷兩個月都賺三百萬啦,溫州富婆出一百萬月包, Dominic唔通嫌出手太低?

助手護身

兩個月登台五十場, Dominic話最離奇係握手位收到寫有「一百萬人民幣,陪我一個月」杯墊,仲有聯絡方式:「我俾咗個男助手,唔知佢有冇打去!」

未開始唱歌,台上男男女女已經進入瘋狂狀態,其實都幾驚。

千金難買

時代唔同,男女平等,行內唔只女星被問價,好多男星亦有經驗,問嗰啲仲有男有女添!可惜出價多多都有,但未聽過男主角肯制囉!

金秀賢見面價 1000萬

《星星》最 hit之時,亦係中港富婆最迷都教授之際,傳聞有富婆夾份 1000萬請金秀賢出席私人聚會,大手筆過強國真人騷。

古天樂飯局價 150萬

又係強國富婆,長期渴求港台一線男星,不過百五萬使得古仔、劉華、朝偉郁?咪玩

顧又銘伴遊價 50萬

喺北京做過王菲健身教練,又喺香港出過寫真,男模顧又銘都話做健身教練時有富婆客出到 50萬人仔請旅行。

趙勁皓口交價 1萬

雖然已經有個糖黐豆女友 DaDa,大隻 King一樣係同志頭號幻想對像,曾經自爆被同志出價 1萬口交。

鍾意就快D Share啦!