掃呢頁CODE去手機

2015年5月7日 星期四

婚變兩年 劉家昌龍虎山酒店開幕 甄珍母子唔見影 [壹週刊 - 1313] 甄珍,劉家昌,M1,



探熱針

婚變兩年 劉家昌龍虎山酒店開幕 甄珍母子唔見影

已經七十三歲的劉家昌,因為台灣歌手安唯綾介入以及豪賭成性,一三年底傳出與結婚三十五年的甄珍離婚後,二人自此未有在公開場合一齊出現。今個月初,劉家昌在江西龍虎山投資的酒店「迎賓館」開幕,甄珍及兒子劉子千繼續冇影。

七年過億大計

劉家昌投資過億,歷時七年打造,位於道教聖地龍虎山的酒店「迎賓館」於五月一日勞動節舉行開幕酒會,主人家的好友包括四洲集團老闆戴德豐、張玉珊以及劉詩昆與女友孫穎,均有出席撐場,但已成陌路人的甄珍及兒子劉子千,全程未有現身。

「大家都冇問甄珍同子千點解唔嚟,舊年劉老師(家昌)同甄珍俾面方姐(方逸華)出席邵逸夫頒獎禮,但兩個坐到好遠又冇打過招呼,之後劉老師仲一個人搭的士走。酒店開張,劉老師嘅表現都唔算特別興奮,佢瘦咗好多好憔悴。可能因為好多嘢做,酒店嘅設施未完全搞好,有啲地方甚至連冷氣都冇,佢成晚周圍行招呼朋友,連助手都冇,太多嘢要兼顧啦。」知情者說。

甄珍跟兒子關係親密,劉家昌亦表示甄珍這些年來把心血都放在兒子身上。

「迎賓館」開幕禮,四洲集團老闆戴德豐夫婦(右一、二),以及張玉珊、孫穎及劉詩昆都有飛往當地祝賀。

酒店位於龍虎山,有 180間房,離南昌機場三個鐘車程。

酒店大堂以白色為主調,更特設畫廊出售劉家昌收藏的名畫。

資金出問題

曾經否認有第三者和豪賭,導致婚姻出問題的劉家昌表示,過去這段時間,一直留守江西,監督酒店工程

進行。

「劉老師將全副心機擺晒落間酒店,之前傳過話資金有問題,聽聞佢除咗叫埋方小姐入股,亦有搵過四洲集團老闆戴先生傾合作。」

去年九月,封咪多年的劉家昌突然復出,孖住徒弟許美靜等開演唱會,積極搵銀。新酒店內亦設有畫廊,割愛出售他收藏多年的名畫。

「劉老師攞咗好多幅畫出嚟,但全部都冇標價,應該係啱價就賣,總之都係想套現。」知情者說。



去年邵逸夫獎頒獎禮,二人分別到場,但全程未有打招呼,劉家昌當晚亦面容憔悴。



年紀比劉家昌細四十年的台灣歌手安唯綾,被指介入二人婚姻。



現年 29歲的劉子千,對於父母離異一事,曾經表示「只要他們開心就好。」

09年,他在香港搞演唱會,好友方逸華、劉鑾雄、呂麗君及蔡志明夫婦都有撐場。

曾被指為告別演唱會,劉家昌邀請了容祖兒擔任嘉賓。

劉家昌跟林青霞師徒關係多年,去年他復出在新加坡開個唱,林青霞也特地飛去睇騷。

蝕 2億

劉家昌一直偏愛投資酒店,早在三十年前,已先後在美國洛杉磯、聖地牙哥建酒店,可惜投資失利,慘蝕接近兩億,要巡迴唱超過二百場還債。至於在崑山投建的朋德酒店,也曾因周轉問題,將香港獨立屋抵押給方逸華,套現過億救亡。

鍾意就快D Share啦!