掃呢頁CODE去手機

2015年5月14日 星期四

甄子丹追泰臣攞簽名 [壹週刊 - 1314] 子丹,甄子丹,M1,



記者會上,泰臣送咗對拳套俾甄子丹,令宇宙鬼咁開心,仲話要對方喺拳套上補番簽名,先至 perfect!

同你吟一吟

甄子丹追泰臣攞簽名

上星期三(五月六日),《葉問 3》喺上海舉行大型記者會,男主角甄子丹同泰臣兩個打得之人同場,互送高帽又交換禮物,將詠春同西洋拳擊撈埋一碟。

自認係泰臣迷嘅宇宙最好打得到對方送贈一對拳套,不過,美中不足係未有拳王畫龜,二五話甄子丹已經講明,會帶埋對拳套去開工,搵泰臣攞簽名。

至於戲中女主角吳千語,亦受身邊朋友所託,要佢代向拳王攞簽名。不過千語 BB始終唔敢開口,一來泰臣身邊有好多保鏢,二來對方真係好大隻;一想到佢一拳可以打死隻牛,千語 BB連同泰臣握手,都震晒!

泰臣輕輕搭住有份拍《葉問 3》嘅吳千語合照,大手揸小手,嬌滴滴嘅千語 BB睇落好緊張。

一早已經睇過《葉問》同《葉問 2》嘅泰臣話,對導演葉偉信同動作導演袁和平都充滿信心。

《葉問 3》有譚耀文外,當然唔少得好好打嘅張晉(左)。

鍾意就快D Share啦!