掃呢頁CODE去手機

2015年5月21日 星期四

古天樂五百萬打救崔建邦 [壹週刊 - 1315] 古天樂,崔建邦,M1,



探熱針

古天樂五百萬打救崔建邦

05年入行的崔建邦,得陳志雲力撐,一帆風順,成為大台大騷御用司儀,直至 09年,涉打前度鄺敏慧及發生醉駕事件,形象插水, 11年轉撈 PA由低做起,由月搵十萬變一萬,窮到要賣車、租住時鐘酒店。浪子回頭,終於爭取到機會回歸幕前,加上老友古天樂背後發功打救,終由谷底反彈,近日風騷買二手車,仲同女友 Kelly(陳嘉莉)拍拖周圍去。

拍拖按腳

上週二(五月十二日)晚,崔建邦孖住已拍拖大半年的 Mandy Lieu師妹 Kelly現身旺角,全黑打扮加埋口罩的他,將車泊在停車場後,便跟女友前後腳走入彌敦道一間按摩店,按腳兩粒鐘,再一齊返回崔建邦租住的牛池灣私人屋苑。

「同 Kelly拍拖冇耐已經俾人影到,但 Amigo(崔建邦)一直要求女友低調啲, Kelly好鍾意佢,所以乜都聽晒話,近年形象好番, Amigo想外界知道佢變咗勤力做嘢,所以幾個月前 Kelly索性返咗上廣州屋企暫住,費時再俾人影到,今次返嚟香港,都係同男朋友慶祝生日。」知情者說。

宿一宵後,崔建邦翌日中午揸住年初買入的 Mini載 Kelly外出,發現記者後,他第一時間將車停埋路邊, Kelly則九秒九跳車走人。

上週二,崔建邦孖 Kelly到彌敦道按完腳,即返回牛池灣住所。翌日二人外出,崔建邦發現記者即停車, Kelly則趁機火速走人。

今年只有 19歲的 Kelly,跟崔建邦拍拖而被認識,不過她卻配合男友要求,盡量低調。

一條龍收費

據了解,一度被逼轉做助理編導( PA)的崔建邦,深感做藝人前路茫茫,於是搞製作公司另謀財路。

「最初生意好一般,後來佢有機會做番司儀,跟住就儲到班客, Amigo包製作、自己做埋 MC,一個 job可以收兩份錢。其實多咗生意,全靠佢班朋友,其中一個係古仔(古天樂)。舊年 Amigo接咗個觀塘商場 opening,搵古仔做剪綵,成個 job一條龍包晒佢收咗個客五百萬,但古仔就只係收咗個友情價,變相令 Amigo可以賺到好大嚿錢。」崔建邦身邊人說。

由崔建邦一手包辦,去年 4月,古仔為觀塘一個新開商場做剪綵嘉賓,由於人多逼爆,連舞獅環節都要取消,當日崔建邦連司儀都撈埋。

11年,崔建邦出事被解約,其後自薦返大台做 PA,他曾透露這段時間受盡冷眼。

12年重回幕前,他即有機會擔任台慶司儀。

未出事前,崔建邦揸價值 50多萬的 Audi返工。

好兄弟

有指崔建邦跟古仔成為好兄弟,是由林國斌拉線。而今年初林國斌生日開 P,崔建邦也有出席,更表示要跟他做一世好兄弟。

大展拳腳

谷底翻身,崔建邦開始懂得珍惜,主動相約伯樂陳志雲重修舊好,就連買車也變得實際,又唔介意用二手車。

「以前點會肯買二手車,呢架 Mini二手價十幾萬,而家佢寧願慳番啲錢,留嚟發展公司生意,佢睇緊新 office,二千幾呎要三萬蚊租,不過 Amigo早排又接咗單過百萬嘅 job,俾貴啲租個大嘅 office,佢應該負擔到。」知情者說。

今年初,崔建邦幫上市公司搞春茗騷,請來韓國百變女團 T-ara,有指製作費過百萬。

10年,電影《賊公子》慶功宴上,林國斌跟古仔坐埋一齊密密斟。

農曆新年,有米好友請食飯,古仔、崔建邦以及林國斌都有出現,三個男人均飲到面紅紅。

07年,崔建邦在上市公司活動擔任司儀,古仔貪玩上台為他與吳彥祖影合照。

做大騷外,崔建邦早前又被安排拍住阿姐做節目,訪問劉嘉玲及毛俊輝。

夠朋友

古天樂出名念舊,入行多年的他亦幫過不少圈中人,只是當事人絕口不提。

南燕

由視圈跳到影圈,拍了一系列的《陰陽路》片,古仔對當日睇中自己的編劇南燕,心存感激,多年前南燕有病,古仔長期經濟支持,亦有指他每到外地拍戲,亦常包機票酒店請對方一家大細同到當地度假。

吳君如

拍電影《金雞 sss》,身為監製的吳君如揼盡圈中心口,其中古仔是她口中最有情有義一個,由第一日開工,到最後一日收工,都有蒲頭。

黃嵋瑩

94年,黃𨥈瑩跟古仔合作電視劇撻着,七年後二人分手,但有指他一直有照顧前度,每月付對方生活費

攝影師陳國雄

攝影師陳國雄去年拍成龍主演的荷李活片《絕對逃亡》外景時不慎墮海身亡,跟對方經常有合作的古仔,帶頭組織「高佬兄弟團」,並以千萬為目標,幫家屬籌款。

鍾意就快D Share啦!