網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2015年5月28日 星期四

李嘉欣奶奶太后出巡 [壹週刊 - 1316] 嘉欣,李嘉欣,鍾嘉欣,M1,



恤衫絲巾都係 Leonard Paris嘅許老太,個樣霸氣十足,李嘉欣要招呼呢位非常奶奶,肯定要打醒十二分精神。

同你吟一吟

李嘉欣奶奶太后出巡

幾貴幾辣嘅車都好,長期唔郁,同廢鐵冇分別,一定要久不久揸吓,撻吓副 engine。

人都一樣,一日到黑車出車入,腳唔掂地,就算食幾多補品,副偈都玩唔耐。深明此理嘅,有李嘉欣奶奶許簡劍勳。由太子大廈穿 Landmark行返去家族持有嘅中建大廈,要兩個人一左一右做人肉枴杖,花多一般人幾倍時間,許老太一步一步慢慢行,都要俾啲骨頭運動吓。

許老太出巡似太后起駕, 89歲嘅仙姐白雪仙就精靈得多,除咗日日打幾圈保持頭腦靈活,亦會約吓朋友下午茶。早排《壹》仔見到仙姐繑住個男仔,去銅鑼灣利園二期 Cova三點三。其實以仙姐嘅狀態,唔使人扶一樣得,搵個人做扶手棍,純粹係穩陣計。都啱嘅,老人家真係唔跌得㗎!



唔想年紀大機器壞,許老太就算要用兩個人借力,都自己一步一步行。



搭扶手電梯上去 Cova飲茶,仙姐一手繑住身邊人,一手扶實扶手,安全至上。

鍾意就快D Share啦!