| 發哥同謝安琪妙問妙答，而且仲好有資訊性，唔睇真係少好多話題o架。 | next 1/1 pre |
 | |
| 發哥好留心咁聽住阿Kay嘅每一個發問。 | next 1/1 pre |
 | |
| 而且仲邊聽邊笑，證明佢對Kay BB都有一個好好嘅印象。 | next 1/1 pre |
 | |
| 發哥封Kay BB做紅姑，搞到Kay BB好開心。 | next 1/1 pre |
 | |
| 發哥教Kay BB點樣喺南丫島搵食。 | next 1/1 pre |
 | |
| 謝安琪一邊甜笑，一邊睇發哥嘅回應，齋睇相都感受到佢嗰種喜悅。 | next 1/1 pre |
 | |
| Kay BB有份「出演」《我愛發哥》第一集，內容仲好精彩架！ | next 1/1 pre |
 | |
| 對於發哥嘅稱讚，Kay BB大感受寵若驚。 | next 1/1 pre |
 | |
| Kay BB激讚發哥，仲講到發哥對佢嘅人生好有影響，連愛情觀都影響埋！ | next 1/1 pre |
 | |
| 發哥話如果有機會，就約Kay BB去練水，搞到Kay BB勁開心。 | next 1/1 pre |
 | |
| 雖然係同發哥隔空對話，但Kay BB都覺得好似同發哥面對面對話咁，令Kay感覺好神奇。 | next 1/1 pre |
 | |
| 發哥大讚謝安琪唱《囍帖街》唱得好。 | next 1/1 pre |
 | |
| 對於發哥嘅一句「你咪就係鍾楚紅囉！」，謝安琪勁冧，仲話要好好袋住。 | next 1/1 pre |
 | |
| 無錯，就係發哥呢一句，搞到Kay BB心花又怒放。 | next 1/1 pre |
 | |
| 呢集嘅向發哥致敬小環節，有關於發哥係第一代閃婚男嘅有趣小秘密。 | next 1/1 pre |
 | |
| 一連25集嘅《我愛發哥》，無論你係咪藝人，都一樣咁啱睇。 | next 1/1 pre |
一連25集《我愛發哥》昨日於《東網巨星》App啟播，迅即成為城中熱話！擔任首集嘉賓的女神謝安琪（Kay），與男神周潤發擦出火花，發哥笑住讚《囍帖街》，再封Kay是鍾楚紅，女神Kay即心花怒放，聲稱要一世袋穩這句說話！
樂壇女神謝安琪（Kay）面對發哥也難擋其魅力，直認鍾意發哥靚仔又好戲，在她心中堪稱完美！Kay說：「我鍾意發哥因為佢好靚仔，又好好笑，佢個樣、眼、嘴……成個面相都有一種笑臉，令人好開心！我仲鍾意佢嘅演技，咁靚仔嘅人，做咩角色都好，搞笑又得，惡又得，沉重又得，深情又得，喺我心中好完美！好鍾意佢套《秋天的童話》，影響我一生，嗰種浪漫，一個麻甩佬（角色『船頭尺』）都可以同紅姑（鍾楚紅）咁嘅靚女發生感情，為我嘅戀愛觀帶嚟新視野。」
以下是女神Kay與男神發的精彩問答足本：
發哥：「你個張繼聰呢個麻甩佬，咪『船頭尺』囉！你咪鍾楚紅囉！你都好浪漫呀！多謝你呀！唱隻《囍帖街》，你唱完之後條街冇咗喇！好彩你有唱咋！唔係真係死人喇！」
Kay：「我知發哥游水好叻，我想問佢可以閉氣喺水入面最長時間係幾耐？」
發哥：「我後生嗰陣好犀利！25米由頭到尾都得，標準池就唔得，一定爆肺！短嘅就得，依家就唔知得唔得！有機會同你練一練！多謝你！」
南丫島神級推介
Kay：「去到南丫島一定要食啲咩呢？」
發哥：「南丫島冇嘢食㗎，淨係得豆腐花，你唔使去都得喇！去就去索罟灣嗰邊，有海鮮，如果榕樹灣落船就要行成九個字（45分鐘）先過到去，一係你去食海鮮嗰度落船，然後行番去榕樹灣，食番碗豆腐花！下次南丫島見！」
得到發哥神級回覆，Kay當然心花怒放，她興奮地說：「哈哈哈！好開心呀！發哥同我講咗好多嘢呀！尤其係我聽到嗰一句重點！一句重點！嗰一句重點好重要！就係佢話『你咪就係鍾楚紅囉！』呢一句，我會好好袋住佢！」
要重溫精彩片段，立即上《東網巨星》觀看Kay邊尖叫邊回應
Kay向第一代閃婚男致敬
1987年發哥喺美國拍《秋天的童話》時，趁空檔向發嫂求婚，更於當地註冊結婚，成功抱得美人歸！之後先至喺新加坡補辦婚禮，當時發嫂仲話成為周太係佢一生中，上天賜畀佢最好嘅禮物，真係Sweet Sweet Sweet呀！
睇完呢個文字足本版，係咪更加想睇片，親身睇住同聽住男神女神嘅對答有幾咁精彩呢？即刻Download《東網巨星》App
請緊記以下步驟：
1.打開《巨星》App首頁，點擊置頂欄目「視娛樂」。
2.於「東網電視」頁面選《我愛發哥》，已推出的《我愛發哥》將會全數顯示在頁面中。
《東網巨星》下載
iPhone版本
http://on.cc/enterapp/ios
Android版本
http://on.cc/enterapp/an
|
鍾意就快D Share啦！
|
|
|