接《復仇 2》棒 佐治古尼同玉女穿越時空瞓浴缸 [FACE - 416 - 外地娛樂]

由迪士尼出品的《明日世界》耗資約 16億港元拍攝，更搵埋《星空奇遇記：黑域時空》創作人 Damon Lindelof泡製特技。《明》片因食住《復仇者 2》強勢推出，電影公司估計《明》片可大收 30億港元票房。

西區

接《復仇 2》棒　佐治古尼同玉女穿越時空瞓浴缸

由迪士尼製作的《復仇者聯盟 2：奧創紀元》，在香港上畫 12日，票房已衝破 1億港元，破晒紀錄。雖然《復仇者 2》氣勢仍然有升冇跌，但迪士尼已準備推出新戲《明日世界》（ Tomorrowland），接棒搶票房。

由型佬佐治古尼與青春玉女 Britt Robertson主演的《明日世界》，唔似《復仇者 2》一味打打殺殺，故事夾雜歷險再加時空交錯，典型迪士尼式科幻片，大人細路都啱睇；而迪士尼本身又有個跟電影同名的園區叫「明日世界」，一石二鳥，迪士尼果然有計。

《明日世界》

上映日期： 5月 21日

玩歷險、玩時空交錯的《明日世界》，講女主角 Britt Robertson一天搵到個徽章，一摸就去到未來時空，於是她在未來時空巧遇落泊天才科學家佐治古尼，之後兩人展開一段奇妙旅程。其中一幕二人要迫埋瞓浴缸逃避敵人攻擊。

《明日世界》玩科幻，幕後班底有幾勁？

有指導演 Brad因害怕拍《星戰 7》會被人拿來跟前作比較，所以推拍，寧願接拍一套由自己一手一腳包辦的《明日世界》。網上圖片

《明日世界》聽個戲名已知是以科幻為主，所以幕後班底很重要。今次迪士尼搵了曾執導《職業特工隊：鬼影約章》的金像大導 Brad Bird，聯同《地球末日戰》創作人 Damon Lindelof夾手夾腳創作《明日世界》。聽聞《星戰 7》原本搵 Brad執導，點知同《明日世界》撞期，結果 Brad推咗《星戰 7》而接拍《明日世界》。連《星戰 7》都忍痛推，可知《明》片對 Brad幾有吸引力。

主角佐治古尼為咗《明》片，甘願縮短度蜜月喎？

去年 9月佐治同靚老婆 Amal在威尼斯完婚後，原本打算慢慢度蜜月享受二人世界，點知電影公司急 call，搞到佐治要撇甩老婆去開工。網上圖片

除導演 Brad Bird外，主角佐治古尼亦為套戲乜都肯做。佐治去年 9月尾同老婆 Amal Alamuddin在意大利舉行完婚禮後，兩人已決定去英國度蜜月，點知在度蜜月期間，佐治突然收到通知要為《明》片去紐約宣傳，於是佐治便撇低老婆飛去紐約谷新戲，之後更要趕去加拿大溫哥華的片廠幫《明》片補拍，搞到新婚都冇時間陪愛妻。

女主角 Britt Robertson點入行呀？

外表斯文的 Britt Robertson，去年曾於美劇《 Under The Dome》露出胸圍演剝衫戲，玉女脫殼。

今年 25歲的 Britt Robertson是美國演員， 10歲已入行的她一直在電視劇及電影界兩邊踩，雖然她已演出過《奪命狂呼 4》等 21部電影，但去年才憑電影《 Ask Me Anything》首次贏取「 Nashville電影節」的影后獎，而今次拍《明日世界》算是她入行以來最大製作的電影。

鍾意就快D Share啦！

下一篇 》