《月入 3萬》片出街後，男主角 Gary即比公司照肺，「公司唔係好鍾意我拍片，不過我會照拍！」 Spy撐你！
U Spy
《月入 3萬》浸大女主角：結婚唔使有樓有寶馬！
最近一條改編自高登紅人「小姓奴」一篇兩年多前名為「 21世紀，月薪 3萬元的港人」嘅短片大熱，片中講一名月入 3萬嘅 top sales，除咗可以每月比$5000家用父母，仲可以租樓自住同買寶馬，雖然個男主角唔算好靚仔，但就成功吸引到女神，葡萄死 Spy。
Spy第一時間搵到片中男主角 Anson，佢同 Spy講真名其實叫 Gary，雖然條片係改編潮文，但 Gary真係做 sales，不過唔似片中男主角月入 3萬，「幾多就唔想透露，總之距離 3萬仲好遠。我帶住隻勞都係我死慳死抵儲錢買，而架寶馬就係小姓奴仗義借出拍攝。」
《月入 3萬》片上載近一星期，就有近 33萬人睇，唔少網友讚拍中佢哋心聲，亦有唔少宅男睇完大讚女主角索，其實片中女神係浸大傳理系 Yr.3嘅 Emily，佢係新聞系系花， 12年仲係 UStar校花 10強，又唱得又有靚樣，佢同 Spy講：「結婚唔一定要有樓有寶馬，最緊要兩夫妻一齊捱，都好幸福好開心。」各位巴打機會嚟
|
鍾意就快D Share啦！
|
|
|
