網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2015年5月15日 星期五

丁利蟹變慈父 郭政鴻任 4歲女糟躓 [忽然1周 - 1033] 郭政鴻,MW,



爸 B倦了

郭政鴻入行 30年拍劇無數,最近不時返國內拍劇。這日抽空與妻女外出,在咖啡店坐下明顯露疲態。不過面對細女,他全程慈父上身,即使累了亦任囡囡魚肉。

滾熱辣

丁利蟹變慈父 郭政鴻任 4歲女糟躓

《大時代》呢套神劇一出,劇中所有演員都成為「野生捕獲」對象。飾演丁蟹幼子丁利蟹的郭政鴻,現實生活中曾被指欺騙滕麗名感情,暗地裏與內地妻連生兩女。浪子回頭,今時今日的他已變顧家男,面對得意囡囡更慈父上身。

上周五( 8日),本刊捕獲郭政鴻與太太帶住 4歲細女到紅磡報名學芭蕾舞,其間他被女兒撩鼻、篤眼再插口,但只是笑笑口叫「唔好」。

沉醉於父女獨處時刻的郭政鴻,事後知道一家被捕獲感到意外:「我哋咁小心都俾你哋發現!依家我好重視囡囡嘅成長期,只要有時間都會陪佢哋,唔經唔覺變咗怪獸家長。」



其他影片:>>丁利蟹從良






在神劇《大時代》,丁蟹的四個仔全都是大奸大惡的衰人,最後更被丁蟹親手逐個掉落樓冇好收場。現實中,演丁利蟹的郭政鴻卻浪子回頭,近年除了修心養性努力工作外,更變身成為一個好老公好爸爸。

為女兒浪子回頭

09年,郭政鴻被爆出一腳踏兩船,邊跟滕麗名玩地下情,邊跟另一操普通話女子同居,兼育有一名 9個月大女兒。享齊人之福遭踢爆後,郭政鴻與滕麗名隨即斬纜,返回當時仍未結婚的內地女友身邊。據知情人士透露:「好多報道都寫錯同認錯,以為郭政鴻依家個老婆仲係 03年結婚嗰個廣州小姐李欣穎,事實佢哋已經分開咗。佢依家太太姓楊(即 09年被本刊拍到的內地女子),當年係朋友介紹認識嘅。郭政鴻以前係做錯過,老婆好愛佢,一直吞聲忍氣,好彩最後都守得雲開。郭政鴻為咗兩個女有個完整嘅家,佢冇再搞搞震喇!依家大女 6歲半,細女就嚟 4歲。」

據知兩年前郭政鴻正式迎娶楊姓內地女子,之後搬離鑽石山龍蟠苑居屋。

向來私生活十分低調的郭政鴻,上周五( 8日)下午三時許,與太太及 4歲細女現身紅磡都會商場。頭戴黑色 cap帽黑衫黑褲的郭政鴻不時四圍張望,警覺性甚高。兩公婆行到商場內一間芭蕾舞學校門前停下,經過一輪商量後決定讓女兒入內試堂,二人再到附近茶餐廳食 tea打發時間。

約一個小時後待細女跳完舞,郭政鴻與太太決定報讀一個月 8堂學費 1,600元的課程。趁太太在學校內為女兒辦理手續,郭帶住囡囡到對面的咖啡店食蛋糕。眼見他小心翼翼把蛋糕送入女兒口中,原來大男人也有溫柔時。

當時郭政鴻似乎有點倦意,坐在沙發閉目養神,但囡囡周身郁冇時停,更當眾用紙巾捲成條狀向他的鼻孔猛撩,之後甚至用小手指為他撩鼻孔、篤眼再插口。面對囡囡長達 10分鐘的連番「攻擊」,郭政鴻竟一句指罵都沒有,只細細聲說;「唔好」勸囡囡收手。

嗲到暈

上周五( 8日)下午三時許,郭政鴻與細女在紅磡都會商場內閒逛,囡囡伸手要求抱抱,郭二話不說將女兒抱入懷裏。

你一啖

睇唔出郭政鴻咁細心,連食蛋糕都分到細細份再餵囡囡食。兩父女一人一啖,呢個咁溫馨嘅親子行為,真係好甜。

我一啖

小朋友想引父母注意時,都會做很多古怪小動作。郭政鴻細女今次就用紙巾搓成幼條,眾目睽睽下向爹哋的鼻孔猛撩,之後再出動小手指狂挖,但郭政鴻只是笑笑口叫「唔好」。

挖鼻狂撩

囡囡見爹哋冇反應,一於再接再厲,今次進擊改為篤眼,再用手指插口,郭政鴻累到全身放軟,依然沒有太大反應。

篤眼再插口

扯帽

囡囡最後使出撒手鐧,攻擊郭政鴻頭上的 cap帽,因為頭髮凌亂不可示人,郭即時戴回帽,勸告了囡囡兩句,之後所有「攻擊」行為才停止。

09年收埋妻女

09年,仍與滕麗名玩地下情的郭政鴻,被本刊斷正與姓楊女友抱 B到中旅社辦回鄉證。郭當時戴晒口罩及 cap帽掩人耳目,發現記者後更把 B女交給女友速逃。

有女陪慶生

甚少提妻女的郭政鴻,於 12年 11月生日難得在微博放了一張和兩個寶貝女的合照,即時引來各方好友關注及問候。

神劇再起風雲

現時《大時代》在半夜重播,吸引大批觀眾追睇,還被推為神劇。劇中演丁蟹兒子的邵仲衡、陶大宇及郭政鴻,近日不斷四出做訪問,上星期就接受家燕姐的電台訪問。

蟹子有孝心

郭政鴻稱因工作關係中港兩地飛,未能重看《大時代》。他指丁利蟹不算是衰人:「佢都唔係好壞,只係當時年紀細冇咗媽媽,老竇丁蟹又喺台灣坐監 14年,全靠大佬丁孝蟹,都係為生活啫,我覺得好有孝心。」

公開多謝太太

即場開支票

上周五( 8日)郭政鴻與太太帶細女去芭蕾舞學校試堂,最後決定為細女報讀該校的芭蕾舞課程,一個月上 8堂學費 1,600元,郭還即時簽名開支票付學費。

在女兒面前,郭政鴻收晒火脾氣甚好。周二晚( 12日)他透過電話回應記者:「我覺得自己成熟咗,可能有咗家庭,係小朋友嘅爸爸,心境同以前唔同晒,正能量多好多。(上星期見你帶囡囡去芭蕾舞學校喎?)係呀,咁都俾你哋發現到。我太太鍾意跳舞,想細女試下學,嗰日係帶佢去搵啲比較好師資嘅芭蕾舞學校,希望發掘囡囡呢方面嘅天份。其實兩個女都有學跳舞,太太就擅長跳中國舞。(要照顧一頭家兩個女,辛苦嘛?)要照顧小朋友真係勞心勞力,都幾辛苦㗎!我不知不覺做咗怪獸家長,現時啲學校制度,除咗讀書外,課外活動都好重要。當所有家長都咁做我唔能夠唔跟住做,所以要搵學校學跳舞、寫作仲有畫畫。呢段係我第二段婚姻,依家一家生活得好開心,好多謝我太太,感激佢好用心照顧兩個寶貝女。」

現時正翻播 23年前的《大時代》,網上亦有不少人評論 50歲的郭政鴻 keep得好,好似食咗防腐劑一樣,他即自爆:「其實係先天基因好,我爸爸九十歲望落仲好似六十幾。我由細就好貪靚,加上多年來均衡飲食,仲有做大量運動,好似跑步和打功夫咁,先有今日嘅成績。」

錯唔緊要,最緊要知錯能改,相信大家都會對今日充滿正能量的郭政鴻另眼相看。

歷兩段婚姻  2003年娶廣州小姐

郭政鴻第一任太太是曾奪廣州小姐冠軍的李欣穎, 99年二人經朋友介紹認識, 03年結婚,這段婚姻只維持了兩年便離婚。

2007年撻着阿滕

單身多時的郭政鴻,與滕麗名拍《野蠻奶奶大戰戈師奶》時朝夕相對而撻着,被拍下深夜上女方香閨(上圖)。至 09年郭被踢爆與另一操普通話女子同居,更育有一名約 9個月大的女兒。

2010年再娶內地妻

爆出一腳踏兩船後,郭政鴻與滕麗名的地下情於 10年 5月玩完。郭最後返回內地女友身邊,二人於同年 8月結婚,終給女兒母親一個名份。

2011年再做老竇

一向絕口不提家事的郭政鴻, 11年 7月和太太現身九龍法國醫院,誕下七磅六細女。

中年大隻佬

85年已經加入大台的郭政鴻,今年已經 50歲,效力 30年拍過逾 70套劇,可惜冇做過男主角又未曾獲獎。不過外貌與身形都 keep得好,而且練得一身好武功,令郭政鴻站穩二線小生之列,最近他更返國內拍劇搵真銀。不少網民大讚他保養得好,完全唔似 50歲。

鍾意就快D Share啦!