掃呢頁CODE去手機

2015年5月9日 星期六

43歲扮學生妹 樊奕敏拍劇變醜女



【李偲嫣之後...】43歲扮學生妹 樊奕敏拍劇變醜女

2015-05-09 15:35:00



好青春喎!(微博圖片)

樊奕敏最緊就忙住拍劇,但係就唔係以佢本來面目示人,以係扮到好醜,真係犧牲大。今日李子雄就喺微博貼咗幾張佢哋拍劇嘅相,喺相中見到樊奕敏真係扮到幾醜。

43歲嘅樊奕敏化咗一個成面雀斑嘅妝、戴上一副大圓框眼鏡、頭髮又亂、仲要著住校服扮學生…都幾有喜劇感,不過樊奕敏應該都好滿意呢個妝,因為佢自已都喺微博貼咗張自拍,佢仲話:「今天突然找回孩童感覺。」

其實為咗呢套劇扮鬼扮馬都唔係第一次,之前佢都貼過幾張相,都係拍同一套劇,不過就唔係扮學生,而係著上一身迷彩裝,仲劃花塊面,嗰時佢都好自拍,睇嚟樊奕敏都好鍾意扮鬼扮馬喎。

其實校服都有靚嘢嘅,日前黃翠如又係貼咗校服相,雖然翠如BB都33歲,但係扮學生妹都仲勉強合格,翠如BB仲話:「車房 + 學生, 好奇的組合~ 聞說是全港最靚校服。」



李子雄都有自拍。(微博圖片)



畀個大頭大家睇下!(微博圖片)



之前都有扮過嘢,呢張好好多。(微博圖片)



嗯...邊個靚啲?(微博圖片)



翠如BB都33歲,但係扮學生妹都仲勉強合格。(微博圖片)



(微博圖片)

鍾意就快D Share啦!