掃呢頁CODE去手機

2015年5月21日 星期四

我的《 430》 譚玉瑛酒不離手 曾華倩慳家養仔 [壹週刊 - 1315] 譚玉瑛,曾華倩,M1,



譚玉瑛講過,獨來獨往性格唔適合做娛樂圈,於是去做兒童節目主持,就連去睇戲,都一個人。

同你吟一吟

我的《 430》 譚玉瑛酒不離手 曾華倩慳家養仔

因為大台重播神劇《大時代》,令隱世多時嘅藍潔瑛,再次成為追訪目標。

當年大台盛世,响兒童節目《 430穿梭機》入面,培訓出唔少演藝人才,除咗藍潔瑛,仲有曾華倩。

同梁朝偉有過一段情,之後下嫁商人林肇基,離婚後曾華倩獨力養大囝囝林浩賢。單親媽媽唔易做,曾華倩除咗幕前工作,平日又會親自買餸煮飯。早個禮拜難得清閒,曾華倩約朋友行中環睇衫睇化妝品,不過佢都好忍手,唔會亂使錢。

講起《 430》,不得不提靈魂人物譚玉瑛姐姐,自從俾大台踢出兒童節目組,譚玉瑛轉做專題節目,上個禮拜四(五月十四日),《壹》仔見到佢一個去咗數碼港,買飛支持郭子健執導電影《全力扣殺》。

未夠鐘入場,譚玉瑛去小食部行個圈,見到有唔同口味嘅 cider,忍唔住買杯入場一邊睇戲一邊歎。譚玉瑛講過,自己鍾意落 disco,仲會研究紅酒,同佢响兒童節目裡面嘅形象完全格格不入,只係估唔到譚玉瑛咁大癮,睇場戲都要嗒番杯啫!

戲院內售賣各種酒精類飲品,譚玉瑛要咗杯 cider,睇戲慢慢嗒。

12年,譚玉瑛主持兒童節目 30年,大台幫佢搞慶祝活動,老拍檔張國強、曾華倩、黎芷珊都有到賀,點知兩年後,就俾公司踢出兒童節目組。

要獨力養大個仔,曾華倩好慳家,行 ZARA睇 SaSa,冇必要都唔會打開銀包。

《 430穿梭機》除咗出產兩大花旦藍潔瑛、曾華倩,當然唔少得星爺周星馳,只有龍炳基離開娛樂圈,轉行做廚師。

鍾意就快D Share啦!