黃曉明同Baby結束五年愛情長跑，尋日終於喺青島領結婚證。
一對金童玉女結婚，大家都好期待睇佢哋之前喺法國影嘅婚紗相。尋日黃曉明工作室就發咗三張相，一張結婚證、兩張婚紗相，不過啲婚紗相後來證實只係「工作相」，搞到大家空歡喜一場。
咁真正嘅婚紗相呢？尋日內地著名女攝影師陳漫就po咗兩張曉明同Baby嘅相祝賀兩人。相中所見，一對新人著情侶裝深情對望；另一張則喺紅色地板上赤腳相對而企，好sweet，估計係婚照嘅花絮相。之不過網民對金童玉女嘅腳反應麻麻，紛紛話佢哋對腳好醜。咁講啦，你的樣子如何你的腳未必如何，人冇完美嘅。
