掃呢頁CODE去手機

2015年5月20日 星期三

張馨予造型遭惡搞 復仇者變東北大媽 張馨予



喺日前嘅第68屆康城影展開幕禮上,內地女星張馨予身穿又紅又綠嘅傳統東北棉襖大花拖尾裙行紅地毯,引起熱議。張馨予更慘遭網民形容今次造型「核凸」,似足東北大媽。

近日,張馨予嘅東北花裙更成為網民改圖惡搞嘅對象,有一個叫「青紅造了個白」嘅網民,就將張馨予裙上嘅紅綠碎花圖案key上《復仇者聯盟2》一班英雄身上。

美國隊長、Ironman、鷹眼、雷神、紅女巫、黑寡婦,同變形俠醫等角色都不能幸免,全部被「換上」紅綠碎花服裝。而「紅女巫」同「黑寡婦」被改圖後,望落竟出奇地自然,兩人好似真係變咗「東北大媽」咁。

最好笑嘅莫過於變形俠醫,該網民幫佢加咗個紅綠色碎花肚兜,同一條及膝花短褲,「變形俠醫」即時氣勢盡失,變成「綠孩兒」。而該網民改完圖後,更搞笑留言話:「奧創失敗的原因其實是被大花布閃瞎了雙眼」。
黑寡婦真係東北大媽咁樣
紅女巫條紅綠花裙都幾襯佢
美國隊長
變形俠醫著上肚兜即變「綠孩兒」
鍾意就快D Share啦!