掃呢頁CODE去手機

2015年5月10日 星期日

鍾嘉欣陳展鵬 被指暗撻後反目 嘉欣,陳展,鍾嘉欣,



鍾嘉欣年前因拍攝無綫劇《巨輪》,同陳展鵬傳緋聞,更有傳因為陳展鵬介入,導致鍾嘉欣同男友伍允龍感情受影響。有傳鍾嘉欣本年初向伍允龍提出分手,不過就掟煲唔掟蓋,玩地下情。另一邊廂,陳展鵬又疑似背住嘉欣收埋第二個女友,有指鍾嘉欣感覺自己被玩,嬲得滯同陳展鵬反面。

今日(5月10日)有報導指,鍾嘉欣曾瞞住男友伍允龍,暗撻陳展鵬。知情人士透露,鍾嘉欣嫌伍允龍唔上進,淨係識癡住霆鋒同安志杰打機。不過鍾嘉欣同伍允龍經歷過好多,佢又好鍾意伍允龍,所以一直分唔到手。

據聞,陳展鵬喺上海收埋個有米女友,呢吓就激親嘉欣,兩人後來反目成仇。而鍾嘉欣喺接受傳媒訪問,只以「同事」形容陳展鵬,據聞兩人反面呢單嘢,傳到成個電視城都知喇。
鍾意就快D Share啦!