網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2015年5月26日 星期二

七月約滿 胡杏兒落實唔簽無綫 杏兒,無綫,胡杏兒,



35歲胡杏兒,在無綫效力16年,今年七月將約滿,本報收到消息,指杏兒決定與無綫說再見,簽約蕭定一旗下公司三年,包薪2,500萬。

7月中將約滿無綫嘅胡杏兒,已鐵定唔續約,希望將重心發展轉去影壇同內地拍劇。99年杏兒參選港姐,奪得季軍後加入無綫,未幾即晉身花旦之列,仲拎埋視后。但自從殼王陳國強於四年前入主後,便被公司投閒置散,不過杏兒卻因禍得福,可以經常到內地拍劇同演出綜藝節目。

今年初播出嘅南衞視綜藝節目《奇妙的朋友》,令杏兒喺內地人氣急升,商場演出同廣告亦隨之而來;北京嘅華誼、海潤同李澤楷旗下嘅大國豐臣等娛樂公司都邀請杏兒加盟。

經過一年時間考慮,據悉杏兒已選定與蕭定一嘅一元製作室簽約,因蕭定一開之條件比其他公司吸引,待7月中杏兒約滿後,就會動筆簽約三年,獲得包薪2,500萬港元。簽約後,杏兒更一次過獲得1,250萬嘅預支包薪費;蕭定一仲答應會為杏兒度身訂造開戲,更會在內地安排她接拍有質素的電視劇。

《蘋果》記者向杏兒求證,佢就避忌地謂:「吓,我仲未約滿喎!現階段唔回應」至於蕭定一就表示:「現階段我冇嘢可以回應。」問到是否以2,500萬包簽三年?佢都係話:「對唔住!依家我冇嘢可以回應。」

據悉杏兒現身在內地與袁詠儀合作演出劇集《領養》,以四十集計算,每集酬勞25萬人民幣,拍一套內地劇已吸金1,000萬元,預計拍到七月中。之後杏兒又答應為張國立監製的綜藝節目擔任嘉賓,十三集酬勞約600萬人民幣,看來她約滿無綫不愁搵錢,而且肯定賺得比以前多,面對內地如此大的市場,也難怪出手太低的無綫未能挽留藝人。

當年19歲的杏兒以大學生身份參選1999年的香港小姐,奪得季軍及活力風采獎,後簽約成無綫藝員。 入行初期的杏兒在《流金歲月》演弱智女孩丁善茵,更因而奪得「飛躍進步女藝員」獎。 2004年為廣播劇《戀愛星空4+4》初試啼聲,四年後成Neway Star歌手,之後更舉行小型音樂會,並奪叱咤樂壇生力軍女歌手銀獎及勁歌的新人薦場飆星獎。
2011年憑《怒火街頭》奪得「我最喜愛的電視女角色」,同年再憑《萬凰之王》贏得視后,領獎時更大方感謝當時男友黃宗澤。 《衝上雲霄2》 杏兒喺《奪命金》嘅演出,令杜琪峯大為欣賞。
自從殼王陳國強於四年前入主無綫後,杏兒便被公司投閒置散。
鍾意就快D Share啦!