掃呢頁CODE去手機

2015年5月10日 星期日

鄧麗君王菲隔空「合唱」 鄧麗君,王菲,



王菲在偶像鄧麗君逝世廿周年當天,在各大音樂平台上載與鄧麗君「合唱」的《清平調》MV,向偶像致敬及一圓自己的夢想。

next 1/1 pre

王菲在2013年《追思鄧麗君紀念演唱會》上亦曾與鄧麗君隔空「合唱」《清平調》。

next 1/1 pre

網友認為歌壇只有王菲唱鄧麗君的歌曲最具代表性,所以今次由王菲來翻唱《清平調》最適合不過。

next 1/1 pre

近年鮮有幕前獻唱嘅樂壇天后王菲,近日為咗一圓同偶像鄧麗君合作嘅夢想,於是特登重新灌錄鄧麗君生前嘅絕唱《清平調》,完成一個隔空對唱嘅版本,並於5月8日鄧麗君逝世20周年當天喺各大網上音樂平台播出呢首歌嘅MV。兩代天后絕美嘅歌聲,獲得網友一致嘅好評,更形容佢哋係天使般嘅聲音,好聽到起晒雞皮!

向偶像致敬

其實王菲自小就好鍾意聽鄧麗君嘅歌,甚至喺出道之後更多次翻唱鄧麗君嘅經典歌曲就如《獨上西樓》、《初戀的地方》等,而王菲喺翻唱鄧麗君嘅歌曲時,更會將本來佢獨有嘅空靈唱腔變得溫婉,以致更貼近鄧麗君嘅演唱方式。有人形容喺一眾翻唱鄧麗君歌曲嘅人之中,王菲係最具其神韻嘅歌手,可惜王菲一直都未曾與偶像鄧麗君有合作機會。直至1995年,王菲再度推出翻唱鄧麗君歌曲嘅專輯《菲靡靡之音》,並打算邀請偶像合唱一曲,而據悉呢首歌就係《清平調》。但喺專輯錄製嘅過程中,等來嘅卻是鄧麗君嘅死訊。因此,王菲由始至終都未能一圓同偶像合唱嘅夢想。

2013年王菲喺一個鄧麗君紀念演唱上,已曾利用特技效果一嘗同偶像隔空對唱《清平調》,而今次適逄今年鄧麗君逝世20周年,所以王菲就特意重新錄製呢首歌,再配上富詩意嘅影像MV,於5月8日鄧麗君逝世廿周年當天喺不同嘅音樂平台播放,以向偶像致敬。有報道指單日累積點擊率已過數千萬次,並一致獲得好評。

網民有話兒:

FroxxxxIAO:鄧麗君的聲音一出來,眼淚就流了下來,好溫暖,真的好想鄧麗君

tomxxxx924:感動到有點雞皮疙瘩

VINCxxxxEO:猶如天使般的兩把聲音

Zoxxu:一位是蒲草韌如絲, 一位如鶯啼小院軒, 科技多少彌補了兩位一代歌姬未曾謀面合作的遺憾

Cheuxxxhn:王菲雖然不是鄧麗君的徒弟,但得到鄧麗君的真傳,歌壇人人翻唱鄧麗君,唯獨傳承鄧麗君只有王菲最具代表性

鍾意就快D Share啦!