你以為今時今日已經文明咗好多，學校唔再興體罰？理論上係嘅，不過呢個世界係有好多變態嘅人架！
事件發生喺內地一間幼稚園，有學生返屋企同媽媽講自己隻手痛，經過媽媽一輪追問之後，小朋友先透露學校老師曾經用針拮佢。慢慢有其他家長都發現自己嘅小朋友有異樣，仲喺佢哋身上搵到好多疑似針孔嘅紅色小點。
有家長睇番學校嘅閉路電視查個究竟，就發現嚇人嘅畫面。片中所見，該名老師喺閉路電視嘅死角位置，先叫一名女童行埋去，跟住過咗15秒，就見到女童大喊，一路搖頭一路後退同摸住自己手指，之後該名老師再拉另一名學生去死角位置。據知該名老師已經以「故意傷害他人身體罪」被捕處罰。
