掃呢頁CODE去手機

2015年5月20日 星期三

朱慧敏難忍Eddie冇主見 華星拆夥收場





其他影片:>>






朱慧敏同未婚夫彭懷安返到合夥嘅華星客棧都繼續為婚禮嘅事嘈,呢邊廂婚禮叫停,嗰邊廂,朱慧敏亦都決定拆夥,之後都唔會再返去。

曾經公開講過為咗婚事咩都鬧一餐嘅朱慧敏,對Eddie嘅不滿,喺合作搞餐廳嘅時候已經慢慢累積。

自細冇咗爸爸,十年前亦失去埋媽媽,朱慧敏一路靠自己撐住,但同Eddie搞餐廳之後,發現男友唔獨立、冇主見、成日都聽晒朋友意見,分歧就此出現。

Eddie努力搵錢,買價值十萬嘅鑽戒求婚;努力搵錢,買四萬蚊嘅裙褂俾未來老婆;努力搵錢,喺四季酒店訂三十幾圍。為嘅係令朱慧敏嫁得好好睇睇,但好可惜,亦都係因為佢掛住努力搵錢,忽略兩人本身相處嘅問題,令兩人嘅關係唔知有冇得挽回。
鍾意就快D Share啦!