網頁

請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2015年5月6日 星期三

難頂產後燥底 陳豪陳茵媺半分居 [FACE - 415] 茵媺,陳豪,陳茵媺,MF,



租將軍澳站新竇

週日( 3日)陳茵媺出席完活動後,獨自返回將軍澳的服務式住宅星峰薈。

封面

難頂產後燥底 陳豪陳茵媺半分居

陳豪同陳茵呢對可以話係模範夫妻,人前表現恩愛,結婚兩年又已經生咗兩個仔 Aiden同 Nathan,幸福又美滿!

之不過陳豪要努力賺奶粉錢,湊仔重擔就落喺 Aimee身上。據知 Aimee今年 2月生完 Nathan之後,湊仔湊到脾氣暴燥,多次攞陳豪嚟出氣,劇接劇的陳豪為了爭取時間休息,最近就經常返回將軍澳都會舊居休息,而 Aimee同兩個仔就留住大埔比華利山。多個 B未習慣啫,陳豪好快返屋企啩!

陳豪同陳茵媺前年 12月誕下大仔 Aiden,自此陳茵媺( Aimee)已停拍劇,只係拍吓廣告出席吓活動,陳豪主力搵錢養家,而一家三口經常在人前大晒幸福,的確令人羨慕。

暫住調景嶺舊居

有傳陳豪頂唔住兩個仔的扭計聲滋擾與及老婆的產後燥底,所以決定暫時搬返調景嶺舊居。《蘋果日報》圖片

陳茵媺生完第一胎堅持抱 B,曾搞到左手患筋膜炎,亦成為佢推大台開劇理由。《忽然 1周》圖片

2月 Nathan出世後陳豪接老婆出院,當眾咀嘴幾咁恩愛,可惜之後要暫時分居。《蘋果日報》圖片

細仔 Nathan出世兩日,陳茵媺已在微博 po相晒幸福。網上圖片

今年 2月陳豪兩公婆帶大仔 Aiden到九龍塘貴族幼稚園面試,當時 Aimee仍腹大便便,認真有心!

一站之隔

陳豪婚前在調景嶺置業,但婚後已甚少返回舊居。

《蘋果日報》圖片

陳豪同陳茵媺各有新竇, Aimee則租住將軍澳星峰薈,兩地只相隔一個港鐵站。

婚前半同居

陳豪同陳茵媺未結婚前,曾以 2萬 2千元租住深井碧堤半島 1,200呎向海單位,進行試婚生活。圖片

婚後住豪宅

婚後搬到大埔比華利山居住,估唔到因為生咗兩個囝囝搞到陳豪要暫時搬竇。圖片

影響情緒

至兩個多月前 Aimee再誕下細仔 Nathan Lucas,兩公婆固然十分興奮,但據知 Aimee產後壓力非常大,脾氣變得暴燥之餘,亦好不滿陳豪回家後未有幫手湊仔;而陳豪忙於拍劇背劇本,卻時常被細仔的喊聲同扭計聲滋擾而影響情緒。

早前拍攝《水髮胭脂》,以至未播映嘅《陪著你走》同《鬼同你 OT》都令陳豪十分吃力,加上陳豪即將於下週開拍新劇《潮流教主》。為了爭取休息時間,陳豪決定暫時減少回家,培養工作情緒!

據知陳豪已搬離大埔比華利山,暫住他在 06年以 368萬買入的調景嶺都會駅舊居(已升值至約 700萬),住近將軍澳電視城方便開工;但據知陳豪舊居其實已給了胞兄及女友居住,為寧靜陳豪同阿哥同迫一屋亦冇所謂;而週日( 3日)陳茵媺出席完活動後,則坐車返回將軍澳的服務式住宅,兩人各自有私竇,只一站之隔距離,可見茵媺亦想趁空閒見吓陳豪,不過已搬離比華利山的陳豪,會唔會少咗時間見兩個寶貝仔呀?

上週二(上月 28日) Aimee獨自到中環購物,穿着黑色背心、橙色外套的她睇嚟仍未修身,被問到會唔會再追多個女,佢就用英文回答:「 I don’ t know!」係囉,生兩個已經要半分居喇,都係咪再生住喇!

陳茵媺上週二( 28日)獨自到中環濕平,集中火力買 BB用品,被問到仲會唔會追多個,佢就用英文回答:「 I don't know!」

陳茵媺形象好,好多品牌都鍾意搵佢宣傳,週日剛坐完月的陳茵媺便急不及待復出。

連拍 4劇

陳豪生完大仔 Aiden後已連拍 3劇,養頭家係要辛苦啲,想有番啲空間都好正常啫!

啱啱播完《水髮胭脂》,其實陳豪已經拍完《陪著你走》等播,套劇講胡杏兒因一場意外而盲咗,前男友陳豪卻不離不棄,鼓勵佢參加馬拉松,勵志嘢!

《鬼同你 OT》顧名思義係鬼故、係喜劇,講胡定欣俾手機電死,靈魂附身喺田蕊妮身上,陪陳豪返工。死咗都仲要返工?邊個笑得出?

《潮流教主》會喺今個月開鏡,陳豪飾演時裝雜誌老總,會唔會好似皇阿媽咁惡死就未知,淨係知陳豪個白髮造型,真係潮人至識欣賞!

陳茵媺有勁敵 大台仲有好多生仔機器

《蘋果日報》圖片

陳豪、陳茵結婚兩年就生咗兩個可愛囝囝的確好生得!其實電視台都幾多好生養夫妻。

錢嘉樂 湯盈盈 保持神秘

錢嘉樂同湯盈盈 12年結婚時,湯盈盈已佗住囡囡,翌年 3月錢凱晴比預產期早咗成個星期出世,錢嘉樂仲陪住盈盈入產房兼為囡囡剪臍帶。

今年 4月湯盈盈喺微博宣布再有喜,𠵱家已佗 B四個月,湯盈盈未有停工,仍為大台拍攝節目;至於呢一胎係仔定女,佢哋就保持神秘感,可能要到 BB出世至揭曉喇!

洪天明 周家蔚 連追兩仔

網上圖片

12年拉埋天窗嘅洪天明同周家蔚,結婚未夠 1年就剖腹誕下囝囝洪大仁,洪大仁出世重 7磅 6安士,樣貌似爺爺洪金寶;當時周家蔚已公開同老公嘅生仔大計,決定兩年內再生一個。

皇天不負有心人,上月底周家蔚喺養和醫院再誕一子 JT,重 7磅 11安士,可喜可賀。

黃浩 徐淑敏 速生三女

網上圖片

要數最生得一定要講徐淑敏( Suki), 09年嫁俾比自己年長 12年嘅飲食業才俊黃浩,翌年 3月誕下女兒黃心瑤, Suki即減少娛樂事業。 11年 9月她再度產女,名黃心柔;有心有力,上年 8月 Suki剖腹誕下第 3名女兒黃沁誼, Suki仲要為追番個仔努力呀!

鍾意就快D Share啦!


Related Posts Plugin for WordPress, Blogger...