網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2015年5月6日 星期三

好霸氣 花旦缺貨 楊怡乾等 賈曉晨升呢女二打橫行 [FACE - 415] 賈曉晨,楊怡,MF,



仍身在橫店拍《蜀》劇嘅 JJ,由於和男友樊少皇情侶檔演出,所以放飯放工都形影不離。

真面目

好霸氣 花旦缺貨 楊怡乾等 賈曉晨升呢女二打橫行

06年參加《美女廚房》成為冠軍嘅 JJ賈曉晨, 13年搭上樊少皇之後即離開大台,黐實男友北上搵食,近年多以情侶檔接劇嘅 JJ,近日答應大台邀請,回歸做女二。

大台在花旦嚴重短缺的情況下,半年前已密斟 JJ回歸,原安排 4月開拍的新劇《末代御醫》,亦因為要遷就 JJ國內拍劇的檔期而延遲開拍,令男一郭晉安和女一楊怡焗等 JJ凱旋回歸至埋得位。視帝視后都要乾等!







自 13年拍完《好心作怪》約滿大台後,賈曉晨( JJ)孖住男友樊少皇轉戰國內,情侶檔接劇搵人仔,二人更在北京住洋樓養番狗,明顯撈得唔錯。

03年 JJ跟阿叻簽下 10年合約, 13年約滿後 JJ即撇,當時有傳激嬲咗阿叻而遭大台封殺。

拍拖 3年, JJ和樊少皇已經唔介意以情侶姿態示人,今年初二人就齊齊出席春茗。《蘋果日報》圖片

人人就佢檔期

大台正鬧花旦荒,繼胡杏兒、楊思琦離巢後,近半年劇集都只見到蔡思貝、陳凱琳等新人。約半年前大台為新古裝劇《末代御醫》搵人選,即想起曾拍過唔少古裝劇的 JJ,據知 JJ一口應承,《末》劇原定在上月開拍。

雖然 JJ一口應承,不過已有大陸劇《蜀山戰記之劍俠傳奇》在身的 JJ,需要拍完《蜀》劇才可回港開工,加上 JJ今次做女二戲份唔少,故《末》劇的男一郭晉安和女一楊怡都要延期開工,原先預計有工開的楊怡突然有空檔,但又接唔切搵真銀活動,白白呆等一個月。

古裝回歸

去年 2月 JJ自導自演處女微電影《愛情是什麼》,仲搵咗 Jessica C.(右)同佢喺宣傳活動上咀嘴。《蘋果日報》圖片

喺大台拍過好幾套古裝劇嘅 JJ,據知係監製睇中佢古裝造型靚至搵佢。

上月 JJ專程由橫店返港一日為新劇試造型,仲留言叫郭晉安同楊怡等佢添!網上圖片

12年 JJ拍完劇集《好心作怪》之後就冇再拍大台劇,今次回歸,大家都應該期待。

兩年拍四劇

06年參加《美女廚房》而為人熟悉的 JJ,自 12年尾與樊少皇撻着即部署離港,跟男友北上發展。

04年開始拍內地劇的 JJ, 13年跟樊少皇北上後劇本接二連三,加上肯搏肯捱,又肯與男友同劇夠晒 noise,兩年間已有四劇在手,但對香港市場仍然留戀的 JJ,得悉大台有意搵自己回歸,加上有女二做利誘即一口應承。

兩年前曾傳出得罪阿叻而遭大台封殺的 JJ,今次遇着花旦荒,即解封仲升呢做女二,咁好機會,咪又再扮大牌俾人藐就唔好

監製張乾文曾經喺《耀舞長安》同 JJ合作過,就係佢覺得 JJ古裝扮相靚至搵佢回歸。

郭晉安去年中拍完《老表,你好 hea!》之後就一直等 4月拍新劇,好在期間都有出騷賺外快。

楊怡今年 2月拍完《收規華》後,原打算接住開工,點知突然多咗 1個月假。

情侶檔拍住上

JJ喺 13年離開阿叻嘅 Snazz之後,就跟咗男友樊少皇返國內拍劇,當初知名度唔高嘅 JJ,受男友力薦接咗套《兄弟們上》,揹住「樊少皇女友」個名,好快就打出名堂,之後連接《新圓月彎刀》和《閃亮茗天》都得到唔錯口碑。今年初 JJ掹車邊拍住男友樊少皇、吳奇隆、與爆紅嘅陳偉霆,仲有 JM文詠珊拍《蜀山戰記之劍俠傳奇》,亦因為咁而令視帝、視后都要企埋一邊呆等一個月!

《新圓月彎刀》

網上圖片

網上圖片

《兄弟們上》

網上圖片

《蜀山戰記之劍俠傳奇》

網上圖片

鍾意就快D Share啦!