網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2015年5月6日 星期三

同都敏俊撞名 金秀賢借《復仇者》開創紀元 [FACE - 415 - 外地娛樂] 金秀賢,MF,



現年 30歲的金秀賢, 5呎 10吋高,身型高䠷,十足 model身材。金秀賢出道不久,曾改藝名為尤利兒,但最後都係用回真名,但因與《來自星星的你》男主角金秀賢同名,為免混淆去年自己改名叫做秀賢,但好多人叫唔慣,都係叫番佢做金秀賢。

韓飯台

同都敏俊撞名 金秀賢借《復仇者》開創紀元

近期香港熱門話題,電視方面離不開重播的大台神劇《大時代》;至於電影方面,非訂飛都要兩個星期先訂到的《復仇者聯盟 2:奧創紀元》莫屬。

今集《復仇者 2》除跟貼大趨勢,安排復仇英雄飛去首爾開戰,更加入韓籍演員金秀賢(與都敏俊 C同名)演出鐵甲奇俠好友兼基因工程師,戲份不少,亦是片中唯一亞洲演員。現年 30歲的金秀賢除樣靚身材正之外,曾在美國生活的她,講得一口流利英文,由去年拍《復仇者 2》開始,已決意勇闖荷里活升呢做國際女星。唔通個名叫金秀賢都有運行?

金秀賢在《復仇者 2》中飾演基因工程師趙博士。片中她被大奸角奧創擄走去韓國搵「再生囊」,要黑寡婦等英雄迎救,都好重戲份。

上月中《復仇者 2》帶隊去首爾舉行首映禮,金秀賢以主場嘉賓身份迎接戲中導演 Joss Whedon(右一)、羅拔唐尼(中)等英雄一齊谷宣傳。網上圖片

1.《復仇者 2》點解會搵金秀賢演出?

今集《復仇者 2》有部份劇情講到一班復仇英雄飛到去韓國搵大奸角奧創,阻止他的滅世計劃。此戲的導演 Josh Whedon去年到韓國首爾睇景時,便順便為戲中飾演基因工作師趙博士的角色進行試鏡,據知當時集合了 40多位韓國女演員去試鏡,但最後由金秀賢脫穎而出,有指原因是金秀賢能操流利英語,加上身材比例符合電影要求,所以電影公司見她第一眼便看中她。難得進軍荷里活,上月中金秀賢出席《復仇者 2》在首爾舉行的首映禮時便表示:「拍第一場戲時,感到自己去了另一個世界,是一生難忘的經歷。」

2.金秀賢銳意進軍荷里活,現時有乜新工作?

金秀賢自去年參與《復仇者 2》演出後,便順勢宣布將演藝重心轉移到美國。去年拍完《復仇者 2》之後,即接拍了由「吸血女」 Kristen Stewart及 Jennifer Lawrence前男友 Nicholas Hoult主演的新片《 Equals》及美劇《 Marco Polo》。由於金秀賢天生皮膚幼滑,最近亦被美國化妝品牌 BOBBI BROWN睇中,邀請她做生招牌,成為首位亞洲代言人。

金秀賢由去年開始進軍荷里活,除拍大片《復仇者 2》之外,還參予美劇《 Marco Polo》演出。

金秀賢皮膚白滑,加上係國際巨星,最近美國化妝品牌 BOBBI BROWN都搵佢做代言人。

9年前已出道的金秀賢,曾拍過唔少韓劇,還着過比堅尼騷 fit爆身材,但在韓國一直半紅不黑。網上圖片

3.咁金秀賢點樣入行?

於韓國著名學府梨花女子大學國際學部畢業的金秀賢, 05年參加韓中超模大賽贏得冠軍後入行。由 06年至今,金秀賢已拍過《浪漫小鎮》及《七級公務員》等 6套韓劇。雖然 3年前曾憑《 Stand-By》一劇,取得《 MBC演藝大賞》的「處境喜劇部門優秀獎」,可惜在韓國星運平平,直到最近先憑《復仇者 2》一片彈起,現時已進身國際女星行列。

鍾意就快D Share啦!