掃呢頁CODE去手機

2015年5月13日 星期三

天堂跌落凡間 樹仁妹兼職當家用 [FACE - 416 - 大專校園]



梁麗詩( Jewel) 樹仁大學 英文系 Yr.3

Jewel形容自己是個「宅女」,最愛自己在家看書、看美劇,「自細睇開英文書同劇集,所以英文都 ok。」她口中的 ok其實是高考英文攞 B,認真謙虛。

U花 U草

天堂跌落凡間 樹仁妹兼職當家用

「富二代」、「成功需父幹」這些字眼老是常出現,其實只係一班巴絲葡萄人哋含住金鎖匙,自我安慰嘅說法,說穿了都係嗰句:「這些機會不是我的」!

現就讀樹仁大學英文系 Yr.3的梁麗詩( Jewel)曾經是別人口中的「有錢女」,家住何文田近二千呎豪宅,出入有平治( Benz)接送,有兩位工人姐姐服侍週到,媽媽做保險、爸爸做生意,生活無憂。但 03年 SARS一「疫」, Jewel家中環境急轉直下。雖然 Jewel當時只有 10歲,但她感受非常深,「屋企由千呎變幾百呎,要同弟弟同房,坐 Benz變迫巴士,平時啲親戚 auntie會上嚟探我哋,不過當知我哋財困就即刻疏遠,最差嗰陣父母要問人借錢度日。」

Jewel由天堂打落凡間,令她明白要靠自己,幸好她的爸爸一直堅持,近年生意終於有轉機,雖然家中財政開始好轉,但 Jewel堅持唔向家人攞零用,仲將每月在翻譯公司做兼職賺到的薪金畀父母及弟弟做家用,超抵錫。

Jewel(右)與媽媽的感情要好,經常母女出動行街濕平,「媽咪 keep得好好,啲人以為係我家姐!」

Jewel為了為將來事業鋪路,最後放棄在 Hollister任模特兒的工作,改在翻譯公司面對較沉悶的文字工作。

身高 165cm的 Jewel偶爾會接兼職模特兒的工作,但她卻自爆平時返學多數素顏而且不打扮,「 T恤牛仔褲着對平底鞋就算,好求其!」

「半年前我開始在翻譯公司做 transcription(轉錄),即係將一啲律師、法官、被告人喺法庭所講嘅錄音逐字逐句打番出嚟,每將一個鐘錄音打出嚟就有一千蚊人工,不過始終係法庭文件,要求好準確,所以每個鐘嘅錄音我要花 4、 5個鐘先完成。雖然係悶同要好集中,不過做翻譯人工唔錯,𠵱家每個月都有一萬蚊,都滿足到自己生活,自己賺錢自己使,減輕屋企人負擔。我最想畢業搵份好工,唔使父母再咁辛苦,可以退休享福!」

鍾意就快D Share啦!