掃呢頁CODE去手機

2015年5月13日 星期三

剝衫好啲喎! 認住方力申個胸 [FACE - 416] MF, 方力申,



方力申剝衫大晒朱古力肌,唔只嘉欣 BB望見當場「 O」咀,相信一班女粉絲睇見都會嗌晒救命㗎!電視畫面

全知言

剝衫好啲喎! 認住方力申個胸

近排全知言都有睇大台套《華麗轉身》,劇入面汪阿姐嘅歌聲當然唱到繞樑三日,不過另一主角方力申其實都吸引唔少觀眾。

話說方力申喺劇入面係飾演一個賤男,不過賤男得嚟又充滿肌肉,劇入面多次 close up方力申嗰排殺死人嘅朱古力,睇到唔少中女觀眾嘩嘩聲。

全知言上月底喺中環行街就巧遇方力申,當日佢無晒肌肉,不過着住件黑色 tee,其實都遮唔住佢又厚又橫嘅身形。可能打扮太低調,無乜途人認出方力申,着少啲真係着數啲㗎!

所謂「勤有功,戲無益」,小方呢身朱古力肌就係最好嘅證據。電視畫面

雖然方力申又帶 cap帽又着寬身 tee,不過都係遮掩唔到佢結實嘅背肌,從後望過去都一樣有睇頭!

方力申唔只大隻,身手仲好靈活,撞見記者後,好快就消失喺人群之中。

鍾意就快D Share啦!