2015年5月13日 星期三

食錯嘢 揭偷食反轉豬肚 吳若希篤到周志文冇得撈 [FACE - 416] MF, 吳若希, 周志文,



大孖同班姐仔關係七國咁亂,呢頭同 Jinny拍拖,同劇一齊去台灣又撻着蔡思貝,溫家偉就傻仔,溝女唔成仲幫人求情。網上圖片

真面目

食錯嘢 揭偷食反轉豬肚 吳若希篤到周志文冇得撈

大台又走一件,不過呢個「死因」最特別,衰溝女。

話說「巨聲」出身嘅 25歲大孖周志文,出名係食女王,去年溝掂〈越難越愛〉嘅吳若希,好衰唔衰被揭繼續食女,喪溝劉佩玥、陳瀅和何雁詩,觸怒正印吳若希,星夢娛樂「爸 B」何哲圖再加一刀,點都要篤死周志文為止!

Jinny媽入院初期,大孖周志文(右)都以「朋友」身份探病,但後來只有溫家偉(右二)陪住 Jinny。

雖然未滿約,但收到風被炒之後,大孖馬上喺《衝線》嘅 group chat求救,不過劇中演員唔係個個有反應,有人提議大孖去 now試試,但自視勁高嘅大孖竟然話︰「我唔會去呢啲地方!」當中只有大隻仔溫家偉最熱心,日前陪大孖返大台搵樂易玲求情,不過,據知上訴失敗,本月 10日已是大孖的 last day。

溫家偉做護靶

大孖周志文和 Jinny吳若希去年拍《衝線》時已經秘密撻着,今年 2月又拍拖去環球嘉年華; Jinny媽出事,初時大孖都有陪伴去醫院,兩人夾晒口供話「好朋友」,加上有溫家偉做人肉護靶,成功轉移視線。

其實早在《衝》劇到台灣拍攝期間,大孖同蔡思貝忽然玩埋,更被《 FACE》拍得鏡頭後摸手仔,蔡思貝例牌嗌無辜鬼妹仔性格,周志文就自嘲係蔡思貝緋聞男友十份一, Jinny當時只好吞咗啖氣。

搞到「乖女」,「爸 B」何哲圖點會唔出手?

大隻仔四肢發達,頭腦簡單,經常幫兄弟護駕。

Jinny發現短訊

不過,有次大孖同 Jinny行街,就無意發現大孖和宅男女神陳瀅、何雁詩竟然私下短訊, Jinny有感被玩,即返公司和「爸 B」何哲圖投訴;加上周志文已埋手《四個女仔三個 BAR》食咗 3件,樂大媽恐防大孖向新花旦陳凱琳進攻,諗都唔諗就決定揮刀!

WhatsApp群組爆被炒

*真實對白、模擬畫面

去年 9月《 FACE》在台灣拍得大孖同蔡思貝拍劇拍到摸手仔,其實當時大孖已經同 Jinny拍拖。

《四個女仔》溝盡 3件,大台得知即炒大孖,以免搞到陳凱琳。網上圖片

大孖先後對何雁詩、陳瀅出手,更被 Jinny發現私下短訊。網上圖片

走得快

大台人工一向偏低,相比起內地製作單位出手闊綽,拍劇酬勞高十幾倍,引發無綫藝人逃亡潮。繼陳法拉和林峯後,二、三線藝員都紛紛向外闖,令大台小生花旦買少見少。

高鈞賢

首屆香港先生高鈞賢,在無綫捱足 9年,月入只有$25,000試過被凍薪,更愈做愈霉變二打六,拍劇更要非禮阿婆。去年約滿決定離巢,孤身北上內地發展賺人仔。

《蘋果日報》圖片

何傲兒

《蘋果日報》圖片

07年參加港姐而入行的何傲兒,月初突然在微博留言,宣布約滿無綫,不過有個富貴男友、又有契爺林建名照住,何傲兒完成劇集《波士早晨》之後正式唔撈大台。

楊洛婷

33歲 03年度港姐亞軍楊洛婷,去年約滿無綫竟一直未獲通知,主動致電藝員部主管了解,豈料對方說:「咪完咗囉!」但塞翁失馬焉知非福,去年 12月更與拍拖 8年的 Dear Jane主音歌手黃天翱( Tim)於夏威夷拉埋天窗。

石天欣

只得 22歲,經常演學生妹同俾人強姦角色嘅石天欣去年靜雞雞走人,轉簽「寸嘴 Barbie」夏尉喻所屬嘅星秀堂,當時石天欣直言︰「公司畀晒啲慘情角色我做,令個人情緒低落,好唔開心。」

鍾意就快D Share啦!
Related Posts Plugin for WordPress, Blogger...