大熱天時拍古裝分分鐘中暑，不過有得泊王晶碼頭，隨時下年賀歲片搵王祖藍拍發哥㗎！網上圖片
真面目
賺人仔 埋王晶堆 首接強國劇 王祖藍剃毛做哪吒唔造人
大台小生愈走愈多，即使有約在身的一班親生仔都寧願北上接劇搵人仔，好過拍大台劇攞最低工資。
今年 2月同李亞男結婚的王祖藍，早年憑湖南衞視的扮嘢節目《百變大咖秀》打入內地，拍住 Angelababy等紅星合演強國版《 Running Man》後更加搶手，大把人爭住搵！
曾經講過要有好劇本先肯接大陸劇的祖藍，最近終於獻出第一次，接拍由王晶監製的《哪吒與楊戩》。不過要長留橫店幾個月，又冇得同老婆造人喇！
自從拍完《老表，你好 hea》後，王祖藍便冇再接大台劇和綜藝節目，反而長期北上。除了繼續參加《奔跑吧兄弟》第二季 keep人氣，近日亦開始拍攝由王晶監製的強國劇《哪吒與楊戩》。
嘉欣做打女
曾經透露有唔少強國電視台搵佢拍劇、但未遇到合適劇本的祖藍，考慮多年，終於揀了王晶監製的古裝劇。要長期在橫店拍劇，王祖藍冇得同老婆李亞男造人，好在同劇有李亞男好姊妹鍾嘉欣一齊拍，收工都有個伴冇咁悶。
同樣係首次拍大陸劇的嘉欣，今次飾演識法術的女子，最叻穿牆，劇中有大量動作戲份，要吊威吔又要落水濕身，仲有唔少打戲，對做來做去都係柔弱慘女的嘉欣，算係好大突破。唔知臨出發前有冇叫王晶愛將兼「前度」伍允龍教下路呢？
|
鍾意就快D Share啦！
|
|
|
