掃呢頁CODE去手機

2015年5月20日 星期三

約滿大台 何傲兒買散水餅? [FACE - 417] 何傲兒,MF,



何傲兒遊完馬來西亞返港,上週一( 11日)喺觀塘買餅,係咪買嚟 farewell先?

全知言

約滿大台 何傲兒買散水餅?

何傲兒入行 7年,終於約滿大台後變自由身,最近仲陪屋企人去咗馬來西亞玩添,睇嚟身心舒暢晒!

何傲兒旅遊完返香港,上週一( 11日)喺觀塘出現,去咗間賣 pie嘅專門店,唔知係咪買散水餅呢?全知言問佢離開大台之後有乜打算佢笑笑口咁答:「開始要諗一諗自己方向,會好忙,因為以前係公司安排晒工作俾我,𠵱家要靠自己。」外面傳大台唔同你簽約喎,何傲兒即刻幫舊公司講好說話:「公司唔會特登唔同我簽約,一年前已同我傾合約嘅事,只不過有個心態想自己出去闖,公司係支持我,雖然完咗經理人約,都希望將來有其他合作,我試下用自己能力出去可以有啲咩返嚟!」

但係又有傳聞話因為緋聞太多,大台至放棄何傲兒,佢就咁講:「佢哋鍾意點都得㗎啦,夠有人話忠哥(監製關永忠)俾我呢個(醜女)角色係公司想幫我洗底啦,其實冇呢啲事囉!」何傲兒又強調大台一直有俾機會佢,佢好感恩喎,而且前經理人一直好用心嚟錫佢,唔會不歡而散咁話。

離開咗大台依然有人識嘅,當日有粉絲要求同何傲兒合照。

何傲兒解釋大台有找她傾續約,只不過自己想向外闖一闖。

離開大台,何傲兒無約一身輕,喺馬來西亞仲大晒三點式任影。

網上圖片

約滿前最後一齣劇《波士早晨》中要演醜女,何傲兒話要多謝監製關永忠。

網上圖片

曾經被影到同周子揚喺車廂激咀,又同林建名傳過爺孫戀,唔怪得外間認為何傲兒緋聞太多而不獲續約最近仲有傳佢會轉投契爺大名娛樂旗下做歌星出碟添!

《蘋果日報》圖片

《蘋果日報》圖片

鍾意就快D Share啦!