網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2015年5月27日 星期三

理大女神最愛運動 Green Monday 出汗好過煲劇 [FACE - 418 - 大專校園] MF,



理大市場學 Yr.3何苑宜( Rose)

Rose曾經是運動絕緣體,除了中學的體育堂,最有印象是一次陸運會,「有年我參加咗一百米跨欄拎咗第三名,其實個賽事得 3個人參加,點都有獎,我真係運動白痴嚟㗎!不過為咗靚得健康,踩吓單車都 ok嘅!」

U花 U草

理大女神最愛運動 Green Monday 出汗好過煲劇

想身體健康要少肉多菜講就易,就讀理大市場學 Yr.3的何苑宜( Rose)曾經是「食肉獸」,餐餐狂食肉加上零運動,自然成日病。但年半前在售賣有機護膚美容公司做兼職售貨員後,生活習慣 180度大改變,要做個靚靚 90後。

「以前化妝會揀遮暇度高嘅化妝品,最緊要遮住個攰樣,但自己愈化得妝多,皮膚愈來愈差,外表上遮到個攰樣,但係氣色總係差,我就開始減少化妝的次數,平時只搽防曬液就出門,買化妝品亦開始留意佢嘅化學成份,就算有機洗面奶要成六百幾蚊一支我都會買!」

雖然 Rose食極唔肥,最重都只係試過 106磅,但成日食肉多又唔做運動,她自覺新陳代謝好慢,做兼職模特兒的 Rose索性改變生活習慣,希望自己靚得健康,「我每晚都會抽時間落街跑步,最初跑 15分鐘已頂唔順,𠵱家跑一個鐘都冇問題,每星期仲會踩一次單車,由荃灣踩入屯門,出一身汗好過坐喺度煲劇!以前打邊爐食肥牛仲食得多過啲男仔,一次可以食兩、三碟,諗番起都驚!反而𠵱家每星期自製沙律兼搾果汁飲,叫屋企人煮少啲肉,買多啲有機菜,同我一齊 Green Monday。」

23歲的 Rose希望市場學畢業後投考空姐,周遊列國,「不過最期待畢業旅行,去台灣環島遊踩單車先!」

Rose不時會自製沙律,「呢個青瓜黑木耳涼拌就係我至愛,又補血又清涼,啱晒夏天食。」

除了由荃灣踩去屯門, Rose仲會踩入西貢,探索不同新地方。

鍾意就快D Share啦!