全城熱爆的娛樂八封新聞 & 時事趣聞 & 生活 + 趣聞
喺台上孔孝真主動搭住金秀賢影相，不過呢個舉動，搞到金秀賢笑到震晒。
等咗年半金秀賢終於回歸喇！韓國 KBS電視台新劇《製作人》喺周五（ 15日）首播，呢日金秀賢打扮得好靚仔，同車太鉉、孔孝真仲有 IU開製作發布會㖭。
之但係金秀賢對住姐姐孔孝真同二度合作嘅 IU，態度真係差好遠囉。喺會上金生同孔姐姐等出場嗰陣，明顯𢱑水吹，𠱁到孔孝真好開心，仲笑到拗晒腰。但輪到 IU上台，金秀賢雙手一直放身後，仲只係禮貌上同 IU講咗幾句，企到好開，唔通驚傳緋聞？
出場嗰陣，孔孝真不自覺咁捉住金秀賢嘅手臂，睇嚟呢位後輩令孔孝真好有安全感喎！
到底 27歲金秀賢同 35歲孔孝真講緊乜講到咁開心，兩個笑到彎晒腰，都話中女有市場啦。
金秀賢企到咁開，唔講佢哋開緊製作發布會，仲以為車太鉉、孔孝真同 IU去咗蠟像館玩。
其實喺 2011年金秀賢同 IU合作《 Dream High》，但佢哋喺戲中各自有另一半，冇乜單獨對手戲。
身為前輩嘅車太鉉，唔介意俾金秀賢搶風頭，自己企埋一邊擺甫士。仲講笑叫大家「請期待」老拍檔全智賢嘅客串演出。
