網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2015年5月28日 星期四

捱世界 長期勞損手腕骨移位  Mr.鼓手 Tom手停口停 [壹週刊 - 1316] M1,



奉子成婚後,陽光妹 Leanne退出幕前,賺錢養家的重任由 Tom一力承擔。

探熱針

捱世界 長期勞損手腕骨移位  Mr.鼓手 Tom手停口停

Mr.鼓手 Tom何志烜一一年與陽光妹 Leanne(何思諺)奉子成婚後,一個人擔起頭家,要分身兼職教人打鼓及賣結他;雪上加霜,上月在演出期間 Tom的手腕突然劇痛,經診治後是長期勞損令手腕骨移位,醫生建議停工半年。

手停口停, Mr.稍後將在內地舉行十多場巡迴, Tom唯有食住藥,戴護腕頂住,繼續打!

有書唔讀

現年二十七歲的何志烜( Tom),十九歲有書都唔讀,在澳洲開學三個月便放低書包返港加入 Mr.,入行八年,演出超過八百場騷,長期勞損,終於出事。

上月十二日, Tom與其餘四位 Mr.成員在九展舉行「現實遊戲音樂會」,演出期間突然手腕劇痛,捱完個騷,翌日看醫生才知是手腕骨移位,由於病情不輕,醫生建議他要休息半年。

「其實早喺半年前隻手都間唔中會唔舒服, Tom以為係小毛病,每次黐啲鎮痛膠布就算,無諗過會咁嚴重。醫生話係佢長期用力打鼓造成,一定要停工,等隻手有多啲時間休息先可以好。」知情者說。

為了音樂, Tom幾乎花盡積蓄,初加入 Mr.仍要兼職做送魚生外賣,租住幾千蚊劏房生活,直至近年生活才得以改善。

「○九年, Mr.憑《如果我是陳奕迅》走紅,攞咗好多獎,亦不停有演出, Mr.五個成員收入係平均分,所以 Tom唔使再咁閉翳!」



陽光妹 Leanne一手包辦囝囝的起居飲食及功課溫習,等 Tom可以專心搵錢。

兩口子以新潮結他代替 iPad同囝囝親子樂,令一家三口有充分的互動,感情融洽。



距離痊癒仍有一段距離的 Tom,頂硬上為鋪頭搬貨。

奉子成婚

Tom一一年跟陽光妹 Leanne奉子成婚後,老婆全力湊仔, Tom一個人撐起頭家,他開始教人打鼓賺多啲外,亦開鋪賣結他,嘗試創業。

剛推出新碟, Mr.日日忙於宣傳,被醫生叮囑要休息治療的 Tom亦無得停。上週二下午三點幾, Tom先到觀塘睇醫生,再搭的士趕去油麻地接仔,之後兩父子搭地鐵去銅鑼灣,返到位於銅鑼灣地帶的鋪頭,老婆 Leanne一邊看鋪一邊陪囝囝做功課, Tom就到商場樓下攞貨。

明知手傷手尾長,但為了妻兒, Tom繼續頂住。



到觀塘睇醫生的 Tom,急急啪藥為手腕止痛。

睇完醫生隨即飛的士到油麻地接囝囝放學。



兩仔爺再坐地鐵返回銅鑼灣鋪頭會合

老婆。

Mr.除了 Ronny(黎澤恩,左一)同 MJ(譚傑明,右二)外,其餘三子早已成家立室,而 Tom(左二)同 Dash(譚健文,右一)分別育有一子。

全靠陳奕迅

前身是 White Noise獨立樂隊的 Mr., 08年 6月正式闖樂壇,同年底推出首張 EP《 Mister》,翌年三月推出首張大碟《 If I Am》,憑住《如果我是陳奕迅》廣為人識,並成為三台冠軍歌。出道短短兩年, Mr.於 10年 3月首次踩入紅館,舉行一連兩場《 Mr. Everyone Concert 01》演唱會,並分別在 11年及 13年再於紅館開 show。

鍾意就快D Share啦!