掃呢頁CODE去手機

2015年5月22日 星期五

Stephy應采兒 friend到喎! [忽然1周 - 1034] Stephy,應采兒,鄧麗欣,MW,



睇見丁丁咁大反應, Stephy自己都忍唔住笑。但睇嚟佢哋拍劇 friend咗咁喎!

媽咪姐

Stephy應采兒 friend到喎!

應采兒(丁丁)自從升呢做咗製片人拍網劇《天才在左瘋子在右》,除咗老公陳小春全力支持,其他星都係拍膊頭叫朋友捱義氣,呢啲時候人緣有幾好,即刻計到數喇!







之但係咁,有時都有例外嘅。好似丁丁話齋:「我同 Stephy(鄧麗欣)唔熟,不過佢好幫手,我哋會變 best friend!」睇嚟佢又真係冇吹水,媽咪姐呢日見到 Stephy,又真係幾幫得手㗎!見到丁丁要黐眼睫毛,佢就手口並用幫手吹乾啲膠水,但係吹下吹下,丁丁似乎俾口水噴到,一臉嫌棄咁樣扁晒嘴。不過 Stephy冇嬲喎!仲繼續同應監製嘻嘻哈哈跳晒舞,真係襟撈呢。

Stephy唔介意降呢做化妝師,幫丁丁黐眼睫毛,仲用口吹乾膠水。

對住 Stephy就似驚有菌,但對住老公陳小春,就變小鳥依人,都話女人善變㗎

大陸上年 hit爆歌〈小蘋果〉攻進劇組,丁丁同 Stephy仲跟住 MV學跳舞㖭。

鍾意就快D Share啦!