掃呢頁CODE去手機

2015年5月28日 星期四

梁朝偉原來 Talk得 [壹週刊 - 1316] 梁朝偉,朝偉,M1,



太子爺親自幫手包外賣,仲同偉仔好好傾。

同你吟一吟

梁朝偉原來 Talk得

梁朝偉鍾意靜唔多嘢講,但老婆劉嘉玲就係社交高手,兩公婆性格一南一北,不過咁,有陣時,啞嘅都會開聲。

星期日(五月二十四日)五點,偉仔一個人揸車去咗上環尚興買外賣。架車停正响門口,偉仔其實可以返上車坐,但佢選擇企响鋪頭等,其間洗碗阿嬸、落單阿姐出出入入,偉仔 PR上身,個個打招呼,仲主動同啲阿姐吹水。

影帝係熟客,太子爺親自招呼,三大盒外賣,包括一盒潮州凍魚,仲有鵝片之類。尚興埋單千千聲,偉仔簽咭找數,之後就開車走人。又係喎!早兩日(二十二日)先同嘉玲飲完 B哥餐喜酒,應酬咗一晚,冇乜嘢,都係喺屋企搞掂好。

見到阿姐攞住兜餸,偉仔主動埋去八卦。

成個影帝企响度,有食客望到呆咗!

尚興價錢有番咁上下,三大盒外賣,其中一盒係魚(紅圈),偉仔碌咭埋單。

出名怕人多,不過老友阿 B香港擺酒,上次峇里甩底嘅偉仔俾面拖住嘉玲去飲。

鍾意就快D Share啦!