掃呢頁CODE去手機

2015年5月18日 星期一

Twins合體出新歌 阿Sa力證同陳偉霆情未變 阿Sa,Twins,陳偉霆,蔡卓妍,



阿Sa(左圖右)坦言冇同William分手,力證感情未變。

next 1/1 pre

阿嬌否認戀上契哥,更話識咗廿年,要一齊一早一齊咗。

next 1/1 pre

Twins在今日歌迷會成立14周年推出新歌

next 1/1 pre

阿Sa同阿嬌感情好到可以用眼神交流。

next 1/1 pre

組合Twins事隔5年再度合體推出新歌,阿Sa、阿嬌兩人孖住出席電台訪問時,談到新歌《LOL》已推出了片花,阿Sa指今次找到香港新進導演帶來新idea,將會有更多片花陸續推出,而且適逢今日係歌迷會成立的14周年,所以特別選擇今日派台。問到兩人可有慶祝?她們透露已跟一班dancers唱K慶祝,之後都會舉辦歌迷慶祝活動。Twins表示新歌今次係入行以來最貴嘅demo,因公司在韓國成立了韓國英皇,而資源開發部就挑選了一首英國嘅demo及來自美國LA的排舞師來合作,阿嬌笑言雖然跟排舞師溝通唔到,但對方到最後都愛上了兩人的新歌。

阿嬌否認同契哥緋聞

至於談到阿嬌與其契哥的緋聞,阿嬌直言:「唔知邊個整蠱,識咗廿年,無啦啦擺上枱!雖然佢係一個筍盤,佢都好愕然,都希望佢搵到個女朋友結婚。」當問到跟契哥可有機會發展?她即搖頭說:「如果係,一早就一齊咗」並透露阿Sa有介紹男士自己識,但可惜未合眼緣。

另外,提到有傳阿Sa跟男友陳偉霆分手,阿Sa否認說:「咪就係根本唔係事實嘅嘢,唔知畀邊個擺上枱!」在旁的阿嬌有感而發話:「好似經期嚟咁,每個月都有一次!」然後阿Sa就笑言:「咁啱我都嚟緊!好鬼煩,成日都傳傳傳,傳咗幾十次,答到口臭!只可以講我生活好好,好滿足!」當記者問到是否跟William好耐冇見,阿Sa直言:「係呀好耐冇見,so?唔係依行嘅人都會覺得係咁(指分手)。」而阿嬌就透露William都有為新歌的舞步畀意見。

鍾意就快D Share啦!