Hiu Yong（隊長）蘇曉陽 22歲
FAITH過往常被取笑跳舞唔齊，隊長 Hiu Yong指責全因舊將 Wave唔合作所致，現在加入兩個新成員，反而更易就時間排舞。
爆 Like王
踢走失蹤 Wave FAITH：佢離隊後 block咗我哋 ig！
上年 MK-Pop殺入娛樂圈，一年過去，仍然活躍嘅好似得番天堂鳥， 3人組合 FAITH上週則爆出換人風波！
踢走咗跳舞最勁嘅成員 Wave，引起網上罵戰；又加入咗 Dawn同 River， 3個變 4個。
呢頭大換血，嗰頭新成員 Dawn又被起底被揭做過裸模影過床照……講到懵盛盛「被退團」的 Wave，隊長 Hiu Yong就話係 Wave試過失場又冇心做喎，又話：「佢離隊後 block咗我哋 ig！」真係小學生反面咁囉！
F：《 FACE》 H：隊長 Hiu Yong S： Sky D： Dawn R： River
F：點解會踢走 Wave？
H： Wave想專注去教跳舞，就開始抽唔到時間，咁對於一個團隊嚟講係好有影響，例如我去 book場排舞，當日佢會 no show，甚至唔聽電話；有次我同 Sky到咗 studio，佢又唔聽電話，我哋以為佢出咗事，點知睇佢 ig原來去咗玩，老闆都睇到，當然好嬲啦；我哋每星期至少排一次舞，但呢 8個月嚟佢出現次數 5隻手指數得晒，去到後期我哋已經好沮喪，佢嚴重影響到 FAITH出碟嘅進度，所以至有咁嘅調動。
F：係你哋向公司提出換走佢？
H：有講過！你出面做嘢都唔可以咁啦，我明白做藝人收入唔穩定，亦明白你要 part-time教跳舞，但當配合唔到你練習嘅時候，係咪應該轉兼職呢？我有提議佢睇招聘廣告，但佢連打開份報紙都唔肯。
S：佢離隊後 block咗我哋 ig，啲網友仲話我哋無情無義做乜 un-follow佢，其實係佢 block咗我哋！
F：點解會加入 River同 Dawn兩位新成員？
R：呢幾年參加過好多歌唱比賽，上年喺十八區歌唱比賽攞咗亞軍，又攞咗工聯會港澳區冠軍。剛剛讀完 IVE嘅旅遊業高級文憑，喺網上見到 FAITH招募師弟師妹咪試下囉，我好欣賞佢哋㗎！無論人哋點攻擊佢哋都好，佢哋都好努力，我覺得啲歌幾好聽㗎！
D：我同 River一樣係參加招募比賽入嚟嘅，我覺得佢哋好有名氣，好多人討論，無論係正面或負面都好，我想睇下自己會唔會變到佢哋咁有名。
F： Dawn點解會影半裸床照？
D：啲相係參加完《 FACE》 UStar選舉之後，有啲公司搵我 casting，又有啲朋友想出作品集，搵我影其中啲相，我就做下 gym注重下身形咁本作品集未出嘅，啲相流出係因為攝影師自己有 po相又 forward過俾我，簽咗 FAITH之後已要求唔好登我啲相喇。唔擔心形象嘅，啲相好正經，冇諗過係色情。至於有人話我同性戀，我覺得唔使澄清，身邊都有同性戀朋友，唔覺佢哋有問題，愛情嘅嘢係鍾意個人，唔係性別囉，只要大家夾得嚟就得
|
鍾意就快D Share啦！
|
|
|
