苗僑偉父子鬥 young [壹週刊 - 1314] 苗僑偉,M1,

同你吟一吟

苗僑偉父子鬥 young

六張都嚟嘅發哥周潤發，可以靠行山運動小心飲食，由高峰 180磅 keep到而家百五磅，愈來愈 young，兩個字，勤力！ 56歲三哥苗僑偉，可能冇發哥咁勤力做運動，仲應酬多要飲飲食食，不過，佢比發哥再多兩個字，貪靚！係中佬男神一號。

早個禮拜，三哥三嫂同埋個仔一家三口去咗又一城 shopping，三哥同高過自己大半個頭、廿二歲嘅苗俊拍埋一齊，真係似兄弟！

冇誇張！三哥比三嫂更貪靚，用護膚品做 facial亦勤力過老婆，貪靚加埋勤力，天下無敵！

喺 UNIQLO買褲，三哥唔使試，望吓長短啱，就同三嫂去俾錢，至於囝囝苗俊，邊等邊拗腰，唔通行得耐覺攰，得廿二歲仔，點解咁渣！

俾完錢，兩父子一馬當先，老媽子戚美珍殿後；出到去上車，苗俊等老豆老母坐好，自己先坐上車頭。

鍾意就快D Share啦！

下一篇 》