網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2015年6月5日 星期五

阿叻幫口 蔚雨芯執蔡思貝二攤 [忽然1周 - 1036] 蔚雨芯,蔡思貝,陳百祥,阿叻,MW,



娛樂喧

阿叻幫口 蔚雨芯執蔡思貝二攤

現年二十一歲的「魔鬼胸」蔚雨芯( Rainky),最近首次殺入電視箱,在新劇《潮拜武當》扮清純學生妹,雖然電視冇得露肉,但卻被高登巴打封為新一代「波台女神」。

不過,據知此角色本來意屬力捧的蔡思貝,不過 Rainky師傅阿叻(陳百祥)發功,同大台高層出聲,令她成功攝位。 Rainky更劇接劇,話咁快就接了另一部《末代御醫》,在大台靠人事好過靠實力。

蔚雨芯 13歲開始跟阿叻, 19歲才正式以歌手身份入行。自從在節目《去吧!墨西哥》勁騷 32D身材,即獲封「魔鬼胸」。出道短短三年她出過唱片、寫真,又拍過電影《微交少女》,更曾經成為郭富城集郵對象。之前她又因為拍《潮拜武當》,與人夫洪天明玩除褲,搞到人妻周家蔚打翻醋埕。

Rainky在《潮拜武當》飾演楊怡及洪天明師妹,三人不乏對手戲。

臨拍前才插入

Rainky在《潮》中飾演純情學生妹 Mia,雖然收起性感轉玩 pure,劇集播出不久,即獲一眾高登仔關注。

據知 Rainky飾演的 Mia角色原本屬意蔡思貝。「本身 Rainky個角色係由蔡思貝做,好多演員同幕後都知,係臨拍前兩個多月至換。個角色性格好爽朗同率直,監製當初係為蔡思貝度身訂造,但後來蔡思貝調咗去拍《衝線》。叻哥知呢個角色趕住搵人做,咪同高層推介 Rainky頂上囉。」劇組人員透露。

Rainky甚得阿叻賞識,當年全靠阿叻找她主持旅遊節目,才為她換來「魔鬼胸」稱號。 Rainky人前亦叫阿叻做師傅。

網友求解禁

Rainky去年性感演出電影《微交少女》(圖),不過拍劇卻封胸,令網友有微言。

除褲好 over

細仔未出世前,洪天明夫婦帶埋兒子洪大仁去旅行,洪天明仲做了幾日湊仔公。以為他轉性,原來乖一陣咁多。

最初周家蔚知道老公對手是出名「姣精」的蔡思貝時,即向洪天明詐型。天明為怕老婆多疑,仲主動向導演要求刪走愛情線。不過,趕走了一個姣精,又有另一個嗲精接上,「洪天明成個 trip拍住成堆女演員完全冇避忌,尤其同 Rainky愈玩愈癲。天明勁冧 Rainky,兩個經常孖公仔。天明成日笑佢身材勁,兩個仲玩到互除褲㖭。周家蔚惟有搵姐妹 Toby(梁靖琪)做針。若知佢兩個玩得過分,就通風報訊!」本刊致電 Rainky,就執蔡思貝二攤向她求證。她說︰「呢啲是非我唔理咁多,但都多謝叻哥。其實 Sisley(蔡思貝)都好好,佢都好多劇要拍,如果係真(換角),我都係執佢二攤啫。」

洪天明扮傻

洪天明上武當拍劇,以為山高皇帝遠。不過一起拍劇的 Toby是周家蔚姊妹,一直有向周家蔚匯報。

問到與人夫洪天明玩得癲時,她說︰「大家識咗好耐,係朋友。(佢成日撩你,笑你身材勁?)佢對個個都口花花㗎唔好咁敏感。佢係開心果,搞氣氛啫。(你同佢玩得咁癲,唔怕人哋老婆呷醋咩?)我哋有分寸,真係搞笑,冇其他,千祈唔好誤會。」

問到洪天明,佢就一味扮傻︰「我幾時笑佢大波呀?個個都係咁玩,冇嘢㗎!有乜得意咪笑囉。(知唔知 Rainky做咗蔡思貝個角色?)唔清楚,你問監製啦。」洪天明猛話冇過界,但同劇的林秀怡就爆洪天明揀人至撩︰「佢(洪天明)冇口花花。我哋個個都會攞身材嚟笑,但佢哋就笑我平胸囉。」

嗲功黐人夫

當眾搭大髀

去年在武當山拍攝,洪天明堂堂男人同一班女仔一齊敷 mask。合照時,佢成隻手責落 Rainky大髀,但 Rainky仲笑得出。

手踭掃胸

洪天明合照例必黐實 Rainky,他更「借啲意」繑手,手臂更貼實 Rainky胸部。

互相除褲

玩到興起,洪天明同 Rainky仲互相除褲,認真唔檢點。

成日執二攤

拍片拍劇成日換角,連大牌演員不時都要執二攤。

朱千雪攝位升呢

大台新劇《 EU超時任務》原本由胡杏兒擔正,不過杏兒辭演,卒之由朱千雪頂上,仲升呢做女一。

Stephy導演撐腰

電影《 72家租客》原本由胡杏兒同黃宗澤演情侶,杏兒冇期,加上 Stephy(鄧麗欣)獲緋聞男友兼該片導演葉念琛撐腰。 Stephy成功攝位。

黃曉明贏成龍

成龍自爆本來在內地劇《精忠岳飛》飾演岳飛,又彈劇中飾演岳飛的黃曉明演得比自己差。事後,黃曉明暗寸成龍演岳飛超齡。

鍾意就快D Share啦!