熱爆娛樂: 朝偉受勳友共情晒冷 [忽然1周

2015年6月12日星期五

十幾個圈中朋友一齊賀朝偉，連影大合照都唔多夠位企，好彩志偉大嗌：「後生嘅踎前面」先可以分兩排影。佢仲叫呂方一齊踎，但呂生唔願意，可能覺得自己老啦。

我哋嘅男神梁朝偉又攞獎喇！周一（ 8日）佢獲法國頒贈「法國藝術與文學軍官勳章」，一向低調嘅家人同一班圈中老友總動員去山頂法國領事官邸見證及祝賀，場面係好鬼 warm！又睇到 52歲嘅偉仔，人緣幾咁好，志偉仲衰衰咁話：「今晚佢請我哋食法國大餐嘛，我嚟都係為食今晚餐飯㗎！」

媽咪姐仲留意到，嘉玲嘅行頭同偉仔媽咪一樣超晒班，兩婆媳戴嘅鑽石戒指，都又大又閃，真係要戴黑超先頂得住呀！記得偉仔話過，佢會去拍賣行買珠寶俾媽咪，亦會買埋嘉玲嗰份，做得「將軍」果然唔會「講住先」，無呃人喎！

着住 Dior小黑裙嘅嘉玲，配晒 full set鑽飾，明艷照人。細心睇，佢同朝偉都戴咗靚靚襟花，襯過㗎！

授勳儀式上，法國駐港領事讚揚梁朝偉係優秀嘅演員，偉仔聽到笑瞇瞇，想電死人咩！

閃爆鑽花

挽住鴕鳥皮 Hermès嘅朝偉媽咪，一樣貴氣逼人，手上隻戒指閃到爆。兩婆媳仲好好傾，呢啲咪福氣囉。

喺成班朋友入面，呂方應該同朝偉 friend得最耐。睇番佢哋 31年前拍《新紮師兄》，偉仔無乜變！

鍾意就快D Share啦！