辻希美被轟怪獸家長 [忽然1周 - 1037] 辻希美,MW,

辻希美當年喺「 Morning娘」時，係走賣萌路線。 07年，退團冇耐，即宣布同藝人杉浦太陽奉子成婚。

出外埠

辻希美被轟怪獸家長

小栗旬由賤男變奶爸，係值得開心，但生咗 3個仔女嘅日本「 Morning娘」前成員、 27歲嘅辻希美呢，就俾人鬧係「怪獸家長」。不過佢呢個「怪獸家長」同香港嘅「怪獸家長」各有各「特點」！話說早前日本雜誌《女性 SEVEN》報道，辻希美俾鄰居告發佢虐兒，搞到有「兒童支援中心」工作人員上門調查；之後又有鄰居揭發話佢絕少正經煮飯俾仔女食，成日見到佢大女以凍到硬掘掘嘅麵包當一餐。

加上辻希美毫無禮貌，被鄰居排擠，搞到 7歲大嘅囡囡喺學校同樣唔受同學仔歡迎，真係可憐。今年 2月，日本傳媒搞嘅「令日本女性感厭惡十大女名人」選舉中，辻希美「榮登」亞軍，可見成班日本家長係幾咁 dislike佢

07年結婚

結婚 8年，已有 3個仔女嘅辻希美，不時喺微博晒家庭樂，實則其不單教子無方，仲俾人告佢虐兒㖭。

早前，日本人質後藤健二被「伊斯蘭國」斬首，好死唔死辻希美喺同日夜晚，竟然 Po咗佢 3個仔女玩槍嘅相上網，即引嚟大批網民炮轟。

鍾意就快D Share啦！

下一篇 》