網頁

請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2015年6月12日 星期五

囝囝反叛離家出走 八両金兜巴星 [忽然1周 - 1037] 八両金,MW,



八両金對兒子乜都管,搞到八両仔曾經離家出走,對父親非常不滿。

娛樂喧

囝囝反叛離家出走 八両金兜巴星

無寃不成夫婦,無仇不成父子,這就是八両金的現實生活寫照。 16年前,八両金因金融風暴變得一無所有,老婆八両菜(何顓彤)離家出走,當時兒子(葉小霆)只有四歲,八両金父兼母職湊大個仔,轉眼八両仔已廿歲。八両仔自小跟爸爸東奔西跑,居無定所,直到 12歲升中,才結束顛沛流離的生活。但父親因為搵食,兩父子聚少離多。早幾年八両仔正值反叛期,經常夜蒲、食煙兼溝女,更離家出走。

老粗八両金激到兜巴星個仔,父子反目。幸好最後囝囝諗通,兩父子才冰釋前嫌。

八両金是個緊張爹哋,平時行為騎呢,想不到對兒子管教甚嚴。訪問當日,八両金與兒子齊齊接受訪問,但現場所見,只是得佢講,兒子不敢多講半句。

談到兒子的管教問題,八両金十分扯火︰「佢好大使!每個月使好多錢,又駁嘴,激死我!有次食飯問佢點解食咁少,佢竟然話︰『關你咩事?』我嬲到搶咗佢飯碗掟落地,兜巴星咗佢幾巴。佢就走咗出去唔返屋企,搞到我周圍去搵佢……」連珠炮發大數兒子不是。記者每次問八両仔,他就搶答。

記者事隔幾天再致電八両仔,豈料做老竇的八両金居然搶兒子的電話來聽,猛問:「你係邊個,搵佢做乜?!」要記者多費唇舌,他才把電話交給兒子。

兩仔爺又怎會有隔夜仇,現時兩人相依為命,感情不錯。

八両仔去年曾與一名學生妹到賽西湖公園遊玩。

八両金經常帶兒子到電視台出席節目,為兒子鋪定後路。

唔想阿媽返嚟

八両仔(右二)經常與朋友一起玩音樂,現時正接受導師培訓,希望可以投身音樂工作。

談到這個非常父親,八両仔無奈說︰「阿爸可能出於保護我,自細到大乜都要管。我去邊度佢管,識乜嘢朋友佢管,甚至我食少啲飯佢都管。大個咗自然唔鍾意,咪成日駁佢嘴話:『關你乜嘢事!』佢就好大聲鬧我,仲郁手郁腳。我試過嬲到走出去唔返屋企,但每次最尾都係我低聲下氣向老竇認錯。我只係剩番呢個老竇咋,諗深一層,佢做埋阿媽嗰份,好辛苦至湊大我!」

對於媽咪,八両仔愈說愈激動:「老實講,我唔想佢(媽咪)返嚟,依家我哋兩父子生活得好平靜,怕佢返嚟又好似上次咁再搞大龍鳳!佢係個唔負責任嘅媽咪,點可以 16年對個仔不聞不問㗎。佢講嘅嘢相信連頭腦有問題嘅,都知係大話,何況我個腦冇事。邊有阿媽做影響個仔前途嘅嘢㗎!」

八両仔中學成績普通,對音樂有興趣。八両金於是投其所好,每月花萬多元,找私人老師替兒子惡補音樂,看得出他極想栽培兒子。

98年八両菜曾經因欠債出走, 2011年又主動回來要尋八両仔「共聚天倫」,不過去年又搞「大龍鳳」,數臭八両金溝女,唔俾家用及教唆兒子不孝等,搞到八両仔不想媽咪再現身。

以張國榮為目標

其實,八両仔也承認,自小跟着爸爸登台,令他對娛樂圈充滿憧憬︰「我希望可以做歌手,雖然我冇張國榮咁靚仔,但張國榮係我事業嘅假想目標。我自細跟住阿爸,跟佢上台,細細個已經唱過唔少歌!」

對於爸爸的管束,八両仔甚懂事說:「現在想通了,爸爸只係因為太緊張我至會事事管住晒,佢只係個有脾氣嘅好老竇。」

八両仔現在已擁有四個木結他和兩個電結他,八両金對兒子的物質要求向來盡量滿足。對於管他、打他,他說︰「細路仔就好似啲樹苗咁,要用條竹竿撐住佢,如果唔係容易歪㗎!到時候想扶番正就唔易!雖然佢今年已經廿歲,但仲未有社會經驗呀。我都會學習放手㗎嘞。」

今年父親節,八両仔把父親平時給他的零用錢儲下,買了個足金金牌送給父親,以表孝心。問到介唔介意父親再娶,八両仔說︰「佢都單身咗咁耐,有個伴都好正常,有個人管佢,佢應該冇咁多時間管我㗎嘞。」

每個父母都緊張子女,愛之深,責之切。但過分的管束會帶來反效果,八両金都係時候收火啦。

星二代愛唱歌

做歌手是很多人的夢想,有個明星父母,要做歌手就易過借火。

竇靖童

王菲和前夫竇唯的女兒竇靖童,早前簽埋媽咪經理人陳家瑛,並打算年底到日本推出首張英文唱片。來自音樂世家的靖童,闖樂壇無難度。

謝霆鋒

父母雖然並非歌手,不過霆鋒當年貴為謝賢之子,歌未出已經深受各界注意。不過近年他轉戰電影和做生意,已經很少做音樂。

林德信

儘管父親是很受歡迎的歌手林子祥,可是林德信的歌未被注意,焦點反而落在他那堆緋聞女友上,他曾經出過唱片,但冇乜人記得。

鄭欣宜

父母同是唱得之人,樂壇中亦有不少前輩級的人相助,加上欣宜天生優美的聲線,造就她成為最成功的星二代歌手。

鍾意就快D Share啦!


Related Posts Plugin for WordPress, Blogger...