網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2015年6月12日 星期五

欣宜埋身側田頂唔住 [忽然1周 - 1037] 側田,欣宜,MW,



側田話搵欣宜做嘉賓,係想做到哥哥同梅姐當年個效果。但哥哥一手攬晒梅姐條腰,側田用晒兩隻手都學唔到囉。

媽咪姐

欣宜埋身側田頂唔住

上個禮拜側田喺紅館開咗兩場演唱會,佢話為咗呢個騷,狂跳舞操瘦咗十磅,連自己都唔慣咁瘦喎。但佢搵嚟好有分量嘅欣宜做嘉賓,又唱又跳埋身肉搏,真係幾重口味。

側田企埋 2百磅嘅欣宜身邊,即刻瘦晒。佢哋仲跳咗 part火辣舞,欣宜扭腰趷籮,又同側田攬嚟攬去,臨尾仲嚟個作狀咀嘴。側田事後唔只嗌正,仲話:「我想錫㗎!呢 part想做到張國榮同梅艷芳嗰種親愛效果,當然我哋仲差好遠」側田係哥哥,欣宜係梅姐,媽咪姐真係想像唔到個畫面囉,側田你講笑咋嘛?

28歲嘅欣宜真係大個女,同側田喺台上扮咀嘴都好自然!甩咗拖係放啲。

向我哋致敬?講笑咋!(設計對白)

換咗第二個 dancer,側田生猛晒,仲變身鹹濕老爺 look,調戲對手。劇情需要,除非唔係。

欣宜唱〈你瘦夠了嗎?〉嗰陣,原本要踎低起身,點知一時失重心仆咗一下,但又俾佢執生救得番。所以話好肉地,唔一定論盡㗎!

鍾意就快D Share啦!