網頁

請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2015年6月12日 星期五

獨家專訪 心痛卓林𠝹手 吳綺莉:會帶佢睇心理醫生 [忽然1周 - 1037] 卓林,吳綺莉,吳卓林,MW,



唉!我會再溫柔啲對個女。(真實對白)

吳綺莉同媽咪姐講,卓林有怪責佢將𠝹手一事公開,所以佢已經向個女道歉,亦承認自己今次「講多咗。」

媽咪姐

獨家專訪 心痛卓林𠝹手 吳綺莉:會帶佢睇心理醫生

吳綺莉( Elaine)星期二( 9日)出席活動時,面容憔悴,仲要戴住副黑超先見得人。事關小龍女卓林前一晚喺屋企𠝹手,仲有成廿幾三十條好深嘅疤痕,做阿媽點會唔心痛吖!









媽咪姐喺星期三( 10日)就約 Elaine傾吓,見佢個樣仲係好攰,「呢個(𠝹手)真係我嘅底線,傷咗身體!其實唔係第一次,佢今次𠝹得好深,知道嗰時,我真係接受唔到。因為佢𠝹之前嗰晚都無異樣,好正常!見到(佢𠝹手)嗰晚,我完全瞓唔到。」

據知卓林呢次係因為有同學想自殺,令佢好唔開心所以𠝹手。 Elaine話:「會帶佢睇心理醫生,可能我 out喇,真係接受唔到(𠝹手)。不過,我知依家好多後生仔都會𠝹手。」

15歲嘅小龍女,原來之前曾兩度離家出走,吳綺莉同個女已經用「朋友式」相處,經過呢次𠝹手事件之後,佢話會再加強溝通,「依家我已經用好『恭敬』嘅態度同個女講嘢,無辦法,佢依家係青少年,反叛期。」

唉!都係嗰句,單親媽媽唔易做!

唔好問我,我自己都搞唔掂!(設計對白)

周三( 10日)朝早,吳綺莉一個人去食早餐,離開時就買埋外賣俾卓林,俾大批傳媒追訪。

10/6

左右手花晒

兩星期前,媽咪姐都同卓林傾過偈,當時見佢左右手有好淡嘅痕,以為係俾貓抓傷。依家睇番,就知唔係咁簡單。

9/6唔認𠝹手

𠝹手事件爆出後,卓林周二( 9日)睇完《完美巨聲幫》後返屋企,着咗長袖衫遮傷痕,仲笑笑口話隻手冇乜事。

吳綺莉揸車出村口接卓林回家,呢個阿媽真係無得唞。

翁靜晶周二( 9日)晚到吳綺莉家探卓林,之後兩個大人就出去食飯。吳綺莉趁機請教對方點樣教女。

自殘非出路

除咗卓林𠝹手自殘,過往亦有不少名人藝人傳出「𠝹手」嚟逃避現實,但最終都會後悔。做人最緊要自愛呀!

梁齊昕 網上晒傷

上年 6月,梁齊昕疑因家庭壓力喺 facebook上載兩張疑似𠝹手自殘照,又留言「 Will I bleed to death」。相片喺網上瘋傳,齊昕隨即刪去兩張圖片。啱啱外遊返港嘅佢依家仲靚番晒,咁咪好囉!

唔好似我咁傻呀!(設計對白)

樂基兒 為情自殘

06年 4月,傳聞樂基兒趁黎明不在港時「偷食」,俾 Leon狠飛。有自殘前科嘅 Gaile,當時手臂上有𠝹傷刀痕,有傳係為挽救戀情而自殘。結果,諗通咗嘅 Gaile同黎明結完婚又離埋,依家不知幾 happy。

吳彥祖 升學受挫

吳彥祖曾自爆十幾歲時因為考唔到理想大學,於是用刀𠝹手自殘。佢話當時𠝹完好痛,諗到父母時,仲覺得好後悔。梗係後尾佢嚟香港不知發展得幾好,依家仲有個大好家庭。希望在明天嘛!

鍾意就快D Share啦!


Related Posts Plugin for WordPress, Blogger...