掃呢頁CODE去手機

2015年6月19日 星期五

最強扮嘢王 [忽然1周 - 1038] MW,



博出位

最強扮嘢王

做藝人扮鬼扮馬梗要有一手,但原來特首女梁齊昕都唔弱,自從一年前放自殘相上網後,就一直俾人話佢癲癲得得,之後又消失過一排。近日梁齊昕又再高調出席活動,仲巧遇阿 Bob,一齊扮鬼臉,佢唔食呢行飯認真嘥晒喎!

梁齊昕 鬥豬嘴

特首女梁齊昕講過想入娛樂圈,又話想做 model,不過佢嘅神化表現嚇窒唔少人。離家出走一排,今日梁齊昕又好正常咁現身,拍住出名扮嘢勁嘅阿 Bob,仲唔介意晒住胸咁鬥豬嘴扮醜影相。

王祖藍 扮歪嘴

喺鏡頭面前成日都扮鬼扮馬嘅王祖藍,家陣雖然結咗婚,搞鬼性格依然改唔到,頭戴浴帽都擺出一個好冧嘅表情,仲扮歪嘴低能樣,真係服咗佢。

任達華 雌雄同體

型男任達華平時影親相都係 chok住影,不過今次好例外,佢同老婆琦琦齊齊貼上「二撇雞」,仲有好姣嘅眼線加水汪汪嘅眼神,唔知華哥呢個雌雄同體 look大家又 like唔 like呢?

秦沛 扮 hip hop

今年 69歲嘅秦沛,係人都知佢呢位甘草演技好得,真係估唔到佢對住鏡頭,夠膽擺個 hip hop扮 yo嘅甫士,成個大細路上身,返老還童咁樣呀!

陳嘉桓 棉花鬚

嗰頭華哥就貼「二撇雞」,呢頭陳嘉桓就扮美人生鬚,不過呢執鬚係用棉花糖做嘅,仲要係好浪漫嘅粉紅色呀,影完呢張相嘉桓 BB就可以將撇鬚一啖食落肚喇!

鍾意就快D Share啦!