網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2015年6月19日 星期五

準港姐新聞多多 [忽然1周 - 1038] 港姐,MW,



媽咪姐

準港姐新聞多多

仲未正式入圍「港姐」,「劍橋十優生」麥明詩( Louisa)已經成為風頭躉,今年好大機會佢玩晒。自從成為焦點之後,佢為免私生活過度曝光, Instagram已改 private, fb唔見晒畢業舞會嘅性感相,刪剩家庭照同考車牌相,仲話自己戰勝跑馬地㖭。








前幾日佢阿哥慶祝考試成功(估計係正式成為醫生),請咗全家去食米芝蓮三星午餐。 Louisa講笑話「有今生冇來世,人一世物一世,大鄉里出省(城)」,不過佢就寫錯字。原來「十優生」都唔係十項全能㗎!

中文差咗

Louisa嘅醫生哥哥 Vincent考試合格,請家人去澳門食米芝蓮午餐。但睇 Louisa留言,果然去得外國耐,連中文都退步咗,寫咗「大鄉里出省(城)」。

十優生麥明詩係大鄉里

幾叻女都好,未必乜都掂嘅。 Louisa自爆考車牌肥咗幾次先考到。但點解佢喺英國讀書,唔順便考埋呢?

唔只有氣質, Louisa(左一)仲係乖乖女,一有時間就家庭聚會,依家啲 90後好少有。

Rachel做過私影妹

準港姐 Rachel(陳曉晴),之前參加中華才藝小姐,未夠半年又去選港姐,就連佢身邊朋友都大爆佢好有自信,成日話要成為主持人喎!睇番 Rachel嘅 fb,話喺英國畢業,但成個 fb都 post工作相,又話自己做司儀又係演員、一時又話跳舞同教畫,講到好多才多藝。媽咪姐收到風,本來教書嘅 Rachel,之前忽然話要去「北舞」進修,但轉頭就嚟選港姐。不過媽咪姐奉勸一句,擺咁多私影相出嚟,俾人知做過私影妺,好扣分㗎!

Rachel呢個淡妝樣,仲要高抄影到下巴尖尖,之但係咁影真係靚?

一心要入娛樂圈, Rachel好努力爭取每個機會,之前就去選中華才藝小姐,不過三甲不入。

做私影妹嗰陣, Rachel影過唔少民族 look。不過佢啲化妝技巧……下次都係搵人幫手

「闊面妍希」多仔

俾人嗌做「闊面妍希」嘅 Kianny,係香港航空空姐,男伴都唔少。佢同前男友拍拖多年,年初仲去拜年見家長,但轉個頭就搭上甲一籃球安青隊隊長兼 model歐陽展邦。睇佢 ig有唔少攬仔相,戰績唔錯㗎!

「闊面妍希」 Kianny話咁快就換畫,同現任男友歐陽展邦經常喺網上大晒恩愛,一齊出海玩㖭!

Kianny同前有米男友拍拖多年,有唔少親密錫錫相。男友仲留言「 520」(國語諧音「我愛你」), sweet到爆。

鍾意就快D Share啦!