掃呢頁CODE去手機

2015年6月19日 星期五

栢芝打本買車 栢文孖豪龍轉行做司機 [忽然1周 - 1038] 栢芝,張栢芝,MW,



張栢文(左)張豪龍兩兄弟拍住做 Uber司機,齊齊搵錢爭番口氣。

娛樂喧

栢芝打本買車 栢文孖豪龍轉行做司機

張栢文曾經因為買車呃差價辣㷫家姐栢芝,令栢芝一度對他閂水喉。不過栢芝得悉細佬張栢文因欠租被戶主及法庭追數後,即時心軟,兩姊弟終於冰釋前嫌。適逢租車 Apps Uber「優步」大熱,栢文認為有利可圖,栢芝於是打本買七人車給栢文,更吩咐豪龍睇住細佬。於是兩兄弟拍住做,加入 Uber做司機,踏實搵錢!

張栢文一直得到家姐栢芝照顧, 13年同何珮瑜( Jeana)分手後,即以萬四蚊月租土瓜灣昇御門一單位,繼續富貴生活。後來因為買車差價呃家姐錢,令栢芝一度對他閂水喉。栢文及後又因欠租,遭戶主及法庭追數 10多萬。栢芝得悉後心軟,再照顧栢文,但唯一條件要他生性踏實工作。

「多年來栢芝都好錫栢文,但上次買車單嘢真係激到栢芝好嬲。佢都怪自己縱壞個細佬,所以咪閂水喉囉。但始終血濃於水,佢知道栢文搞唔掂,冇錢交租,就心軟打過電話問栢文。栢文同家姐講已經計劃同朋友入『 Uber』做司機,踏實搵錢。咁栢芝聽見做司機人工有成四、五萬蚊個月,咪應承出架七人車俾栢文囉!仲叫豪龍做埋一份,順便睇住細佬㖭!」知情人透露。

張栢芝出手買車給栢文,只是希望他可以腳踏實地做人。

張栢文早前欠租被追數,當時張栢芝並沒有打算出手相助。

網上鋪相宣傳

栢文近日在自己 Instagram上載 Uber logo嘅相,並留言︰「你每日必須用到的私人司機!有驚喜!」大肆宣傳,雖然他沒有講到明為 Uber做司機,但就大晒自己的司機 look及車廂內的 Uber logo地氈。除了栢文,豪龍都以 part time形式搵外快!曾坐過栢文車的人爆料:「上次喺佐敦用 Uber call車過海,點知發現個司機係栢文,我估佢應該知我認得佢。佢好有禮貌,仲問我飲唔飲水,落車又幫我開門,服務態度勁好!」

本刊就此事向栢文求證,但栢文顯得十分避忌,只說多謝關心就匆匆收線。事後記者再以 WhatsApp問栢文有關加入 Uber做司機及栢芝打本一事,他只禮貌回覆:「首先多謝你關心和感激你尊重,這個問題我唔方便多說了……非常抱歉!多謝你!」

栢文前度女友區文詩原來也是 Uber常客,本刊記者向她查詢栢文及豪龍做 Uber司機一事,她即說:「其實我都聽講過嘅,都有朋友撞到。我又冇問番佢哋呀!做咩職業都無所謂,行行出狀元。佢哋做得開心又享受嘅,我做朋友一定會支持!」

記者亦曾致電栢芝經理人,她表示:「甚麼也不知道。」

栢文的搵食車豐田 Vellfire,價值約 70多萬元。

栢文鋪相宣傳 Uber,更大晒車廂的 logo地氈。

根據 Uber規定,司機每次開工都要打呔,栢文的司機 look斯文兼有型。

記者曾向栢文查詢工作的事,不過栢文沒有正面回應。

有傳栢文夥拍富二代車行老闆阿鬼(圖),在 Uber大展拳腳。

群星齊撐 Uber

去年 12月, Uber宣布同德國保時捷合作,大會更找來 Jessica C(右三)、 Ana R(右一)、欣宜舊愛 Mark Ryan(右二)等捧場。 Jessica最後更由保時捷香港及澳門總經理韋智夫親自做司機接送離開。

Amanda S

Amanda是 Uber嘅支持者,自從 Uber登陸香港,她已經好少搭的士。

區文詩

除了自己揸車,區文詩 90%時間都是 call Uber嘅,因為她稱認識 Uber香港嘅 CEO,可免費試用多次,後來用慣了就 keep住用。

Uber司機唔易做

所有加入 Uber的司機必須自行提供車輛,由 Uber核實。司機駕駛紀錄要良好,車廂新淨, Uber更要求司機開工打呔,為客人開車門及提供蒸餾水服務。每程車 Uber拆賬二成,即 100元的車費, 20元歸公司。

使用方法

1.首先下載 Uber App然後再用信用卡來註冊。

2.先在 Uber地圖上用綠色針指定司機接載你的位置。(藍點是自己現時身處位置)

3.當有司機確認你的 order後, Uber會顯示司機何時到達來接你。 Uber還會顯示司機樣貌,款式和車牌號碼,這樣可以避免上錯車。

4.上車後會開始計路程,到達後會即時計車資,並從你的信用卡扣數。

鍾意就快D Share啦!