吳美珩靚太唔等得 [忽然1周 - 1039] 吳美珩,MW,

43歲吳美珩一家三口喺中環現身，佢息影 7年都仲 keep得好好。

媽咪姐

吳美珩靚太唔等得

鍾意 shopping係女人嘅天性，無論普通師奶定豪門闊太都係咁話！好似吳美珩咁，嫁咗俾富豪老公王華麟，生咗一仔一女就疊埋心水息影做少奶，更加要買多啲

前幾日，媽咪姐就撞到吳美珩一家三口喺中環某大廈行出嚟，見到吳美珩不停咁行嚟行去，好似好趕急咁，緊張啲咩呢？之唔係接老公同囝囝嘅專車未嚟到，阻住一心掃貨嘅佢 shopping吖嘛！眼見架車嚟到街口，完成陪等「責任」嘅吳美珩，就一支箭咁飆前先行，揼低老公同囝囝等車，開始 window shopping嘞！睇嚟呢位闊太好似「餓」咗好耐咁噃！

吳美珩見車好快到，安排好老公同阿仔之後，就開始佢 shopping之旅，仲邊行邊睇櫥窗。

見媽咪閃咗，吳美珩囝囝即刻幫眼睇車到未，好 cute。

之前吳美珩同朋友嘆下午茶都俾茶客拉住要求合照。難得佢來者不拒，完全唔介意被騷擾，好人到呢！《蘋果日報》圖片

鍾意就快D Share啦！

下一篇 》