掃呢頁CODE去手機

2015年6月24日 星期三

牛雜之星  12歲幫手 食客$20搭訕 元朗牛雜妹輸港姐想做星 [FACE - 422] 港姐,MF,牛雜妹,李美琪



李美琪 Monnie

真面目

牛雜之星  12歲幫手 食客$20搭訕 元朗牛雜妹輸港姐想做星

今屆港姐話題性十足,先有想做未來女特首的十優港姐麥明詩,再於入圍名單公布前,有三位參賽者自行宣布退選,麥明詩氣勢太強,班女唔想陪跑可以理解

落選未必係壞事,在第二輪面試已止步的牛雜之花李美琪( Monnie),輸咗比賽卻贏到民心。 12歲開始在家人於元朗開設的牛雜檔幫手,試過有食客向她搭訕添!雖被指牛雜妹,不過 Monnie不但唔介意,仲好有志氣話:「辛苦我唔怕,最緊要可以達成自己理想。」講到理想,牛雜妹當然係想入行做星








22歲的李美琪( Monnie)在家姐提名下參選今年香港小姐比賽,雖然冇緣複試,不過無阻 Monnie入行決心。

12歲已經喺牛雜檔幫手嘅 Monnie,對於斬牛雜駕輕就熟。

港姐首輪面試當日, Monnie唔似其他參賽者咁短裙吊帶,密密實實輸蝕咗。網上圖片

想演戲做主持

參選前, Monnie都影過婚紗 product硬照,算係有經驗

上週六( 20日) Monnie在爸爸位於元朗的牛雜檔受訪,期間多次幫手招呼客人,更到廚房落手落腳切牛雜!

「由細到大我都好鍾意呢一方面(娛樂圈)嘅嘢,我甚至乎會去讀音樂。以前細細個好鍾意唱歌,但係到大個開始無自信覺得自己雞仔聲。我自己演戲方面係有興趣,細細個會玩話劇嘅活動,同埋我覺得自己記台詞都 ok。所以想試吓演戲,同埋主持方面,因為自己都幾鍾意講嘢。」

𠵱家港姐夢落空,不過 22歲 Monnie似乎已有打算。「我咁樣嘅身形又唔係特別靚女,講真有好多比我好嘅參賽者,我只不過想用呢個機會嚟提醒自己,挑戰吓自己勇氣。我由細到大都真係好想好想可以買一間有泳池嘅屋俾我爸爸。」

全家撐女

李家雖然有一仔兩女,但 Monnie係細女,絕對係李爸李媽掌上明珠,曾經李爸爸喺經濟唔太好時都堅持畀錢 Monnie學琴。

122磅肥妹

網上圖片

最勁試過 122磅嘅 Monnie曾經係肥妹仔,佢話因為自己勁鍾意食甜品累事喎!

激罕水着

網上圖片

Monnie雖然話性感路線唔啱佢,不過之前同家人去旅行影嘅泳衣相就夠晒健康!

以肥苟

Monnie同苟芸慧都係骨架較大嘅人,將兩張相拍埋,其實 Monnie都幾有苟芸慧影子!

「辛苦我唔怕」

12歲已經落鋪幫手,愈大愈靚女的 Monnie多次俾食客撩,不過最經典都係收咗一張寫有電話號碼的廿蚊紙!「我記得有一個好印象深刻,佢問我攞電話,咁我唔俾,佢又好有禮貌,唔係強迫嗰啲,後尾俾錢嗰陣,我仲記得佢喺張廿蚊紙後面寫咗佢電話號碼,之後就話『我真係想同你做個朋友,希望你可以打個電話俾我』。其實我有猶豫過好唔好打,但係之後我發覺,因為嗰陣太忙,我將張錢找咗出去。」

首次面試後已有多間經紀公司跟 Monnie傾簽約條件,佢講到明:「辛苦我唔怕,最緊要可以達成自己理想!」不過 Monnie其實都有底線,「我嘅底線係唔好令爸爸媽媽丟架。」

玩吓就閃

上週四( 18日)港姐第二輪面試完畢,入圍名單都未公佈,已經有三位參賽者自行向外宣布唔玩!當中「 fit版楊洛婷」 Mandy最令人失望;而女版張立基 Judy就被指最有自知之名。

「 fit版楊洛婷」 Mandy

樣靚身材好嘅 Mandy雖然未稱得上係大熱,不過都唔睇得少!可惜 Mandy日前因抵受唔住輿論壓力所以唔玩,仲用 WhatsApp語音回覆本刊:「上次被追訪係有少少嚇親同不知所措,你哋寫得我太好喇,網上啲人話我係俾錢,叫人做新聞,其實愈早知呢行唔啱自己咪仲好。」

網上圖片

網上圖片

「女版張立基」 Judy

比較騎呢嘅 Judy喺面試前已經喺 facebook寫過「有男朋友真的要放棄很多機會」,點知佢轉頭真係退選。有口痕友就懷疑佢明知入唔到圍,畀個下台階自己喎!

網上圖片

網上圖片

「谷胸心悠」 Celine

Celine於第二輪面試當晚,就以私人理由自行宣布退選,不過在其 fb仍有 update新相,繼續任睇。

網上圖片

網上圖片

鍾意就快D Share啦!