全城熱爆的娛樂八封新聞 & 時事趣聞 & 生活 + 趣聞
High tea飲 wine，吳美珩揀白酒，兩個朋友就紅酒同香檳。
隨住睇電視送飯日子不再，除非係大台滾筒式狂谷，否則，噏得出名嘅新一輩姐仔小生，有限數！相反，昔日啲花旦，即使離開幕前 N年，依然係 fans集郵目標。
上星期四（六月四日），吳美珩同朋友喺 Cafe Landmark下午茶，三點幾坐到五點幾，三個女人叫咗兩碟嘢，紅白酒香檳各一杯， hea住傾。其間，不斷有人走埋枱，要求同吳美珩合照，當事人亦來者不拒，好 nice！○七年囡囡出世後，吳美珩專心做全職主婦，一一年幫老公啤多個慈姑椗，肚皮都收得工！退場八年，依然似模似樣，相比今日大台所謂一線花旦例如楊怡、徐子珊，不但冇輸，更勝一籌！
不停有人埋枱要求合照，吳美珩逐個影，一啲都唔介意被騷擾。
