2015年6月11日 星期四

鐵皮屋住上山頂樓 忍辱袁嘉敏登台任抓胸 [壹週刊 - 1318] 袁嘉敏,M1,



娛頭

鐵皮屋住上山頂樓 忍辱袁嘉敏登台任抓胸

喺娛圈捱咗六年, 34D袁嘉敏最終決定動出「胸器」拍三級片《鴨王》,結果脫出錢途,包括四十萬起跳「應酬價」,皮肉錢啃唔落,袁嘉敏寧願靠自己,北上登台。

打正脫星旗號,捧場客難免唔留手,賣唱不賣身依然經常遭突襲,忍辱賺登台「肉金」,只為達成住山頂樓的虛榮心願。

「班客隻手直接抓落嚟!」準備夏日影寫真的袁嘉敏說。

強調全身係純天然嘅佢,至今仍收到「應酬飯局」嘅問價短訊。

呢啲錢唔辛苦!

34D袁嘉敏打正脫星旗號登台,故不介意俾客抽水揸胸,仲話搵呢啲錢就預咗。

山腳搬上山頂

憑《鴨王》叫到胡的袁嘉敏,兒時在鐵皮屋長大,選美時住劏房,今日已經上樓,住進中環四百呎唐樓,但她仍未滿足。

住緊中環山腳,按部就班的話,袁嘉敏下個目標該是半山!上星期三(六月三日),記者見她現身中環歌賦街,會合一名地產經紀,出發睇樓。但地點不是半山區,而是位於老襯亭旁,月租要四萬多的山頂樓。

「山頂個盤有七百呎,係就係好大霧,夜晚搭的士返屋企,仲要摸黑行一段路,但唔緊要,因為我鍾意住山頂。」為追求優越感,袁嘉敏寧願跳級住山頂平單位,都唔想留低在山腳。

在《鴨王》露 34D「乳出驚人」的袁嘉敏,食住個勢返內地密密登台,平均每月演出四場,騷錢十萬起跳,較偏遠的夜場可加碼至十二萬,對比昔日在大台每月底薪四千七,收入十級跳。

3/6搵山頂樓

上週三,準備由中環山腳搬去山頂嘅袁嘉敏,睇中山頂老襯亭隔籬月租四萬三,七百呎嘅「 The Mount Austin」,之後又去淺水灣睇樓,目標全屬山頂同南灣。

袁嘉敏睇嘅租盤位於山頂柯士連山道,租金加埋管理費要近五萬,而景觀當然是開揚山景。

夜場客唔留手

擺明靠副偈做生招牌,一班夜狼自然「唔留手」,登台錢有血有淚,袁嘉敏想住好啲,或多或少是心理補償。

「我盡量開解自己,搵呢啲錢唔辛苦,我要食住《鴨王》條水走埠搵錢,內地觀眾對我好熱情,我唔係好介懷……抓我(做出揸胸動作),係直接俾佢哋咁……(再做一次揸胸動作),我擋唔住,但唔怪佢哋,始終唔知佢係邊個,可能佢有背景,所以費事嘈。最多自己努力啲做嘢,請多幾個保安。」袁嘉敏說。

登台預咗俾人揸胸,袁嘉敏認為同所謂「應酬」的肉金,有好大分別。

「咁又唔係場場俾人揸胸!試過最難受反而係有男人捉住我隻手係咁錫,佢片朱唇、鬍鬚同好濕嘅脷,就真係俾佢嚇親。又試過有個男人用隻手,喺我塊面三百六十度咁摸,我覺得好污糟,但又要撐住上台,我好驚如果對方攞住把刀咁點算,所以我要使錢發洩定驚!(點使錢?)睇樓囉!」

每次登台佢話會請七、八名保安護航,但都擋唔住班內地客上台向她施展擒拿手。

她在內地夜場的宣傳燈箱,繼續食住《鴨王》條水。

財來有方

袁嘉敏自言靠自己,由山腳爬上太平山頂,但亦有指曾簽約太陽娛樂兩年的她,與公司其中一個股東(太陽娛樂有三個股東)關係非比尋常,有水喉射住,財來有方。

直至接拍《鴨王》時,甩拖失碼頭連約都冇再續,對於是否同過太陽娛樂老闆拍拖,袁嘉敏靦覥回應:「冇呀!係冇再續約,其實應該話係轉個合作形式,好似 agent咁。公司嘅嘢我唔係好想提,冇需要交代。」

30歲袁嘉敏雖遲來一脫拍《鴨王》,但依然爆出,連佢都話:「成班卡士喺內地冇人識都爆到,簡直科幻小說一樣。」

《鴨王》一幕 6P臨時加拍,令冇心理準備嘅佢當場情緒失控。

喺無綫得四千七底薪年代,拍《潛行狙擊》同人夫謝天華傳過緋聞,但始終爆唔出。

兒時袁嘉敏住在環境惡劣的鐵皮屋。

再脫想恭碩良做對手

一脫成名!但拍戲時不被尊重,跟對手何浩文鬧不快,《鴨王》後未有再下一城的袁嘉敏說:「如果再拍,個對手一定要係成熟同粗獷型,仲要有才華,好似喺《殺破狼 II》做我老公嘅恭碩良,我好欣賞佢,喺片場時我一直拖住佢隻手。」

劏房走向山頂

住日出康城時影家居相,全屋都係二手傢俬。

現年三十歲的袁嘉敏有三兄妹,父母是雞販,在鐵皮寮屋長大,十三歲留學澳洲墨爾本,靠捧餐賣鞋甚至在餐館洗埋碗供養自己,搞到患上主婦手,半工讀到大學一年級,再冇能力撐下去,被迫回港,其後於香港大學文學院取得文學士。

袁嘉敏曾於陳可辛的電影公司做秘書,經吳君如提名參加《 2009年度香港小姐》並奪得「最上鏡小姐」,當時她一個人住九龍城劏房。

選港姐後,由劏房搬到將軍澳日出康城,為了慳錢,全屋傢俬都是二手貨,半夜收工,由電視城行返屋企的她,不時擔心會遇色魔。 12年離開無綫簽約太陽娛樂,袁嘉敏由將軍澳搬到中環蘇豪區,屋企的牆是一手一腳髹,前後六年,上進心強的袁嘉敏便從劏房搬到中環山腳,逐步進駐夢想的山頂地段。

成個童年都失眠

有自己一套的袁嘉敏,拍三級片登台受盡難堪,甚至遭人歧視杯葛,都無阻她向上爬決心。捱過經歷和出身,對她亦有深遠影響。

「細個到十一歲住喺鐵皮屋,日曬雨淋,就算死咗都冇人理我哋,覺得係社會上係隱形嘅一群。嗰時對住四面都係鐵皮,啲貓狗行過,樹上啲果實跌落嚟都會好嘈,夜晚根本好難瞓到覺,成個童年我都係失眠。所以自小我就渴望有白色嘅牆圍住我,打風唔使驚,我立志將來要所有鏡頭對住我,燈光完全打喺我身上,因為細個冇人睇到我,到大個要所有人注意我。人望高處係應該,啲人可以住喺度(山頂),點解我唔可以。」袁嘉敏說。

去年接拍《豪情 3D》,被杜汶澤唱佢臨場反口拒裸露,之後杜汶澤更與《鴨王》男主角何浩文喺網上一唱一和暗寸佢。

今年初太陽娛樂春茗,還是旗下藝人的袁嘉敏與谷德昭及劉浩龍影合照。

即將上映的《殺破狼 II》以全男班硬功夫作賣點,袁嘉敏雖是片中女角之一,但出鏡卻少於半分鐘。

早前有疑似袁嘉敏口交照片流出,火速成為熱話,當事人袁嘉敏否認之餘,仲話自己靚過佢。

袁嘉敏未入行前曾任陳可辛秘書,當時吳君如揸車送她返九龍城寓所,得知她住劏房好驚訝。

剝得過

因為時間關係,有人會選擇趁後生有樣有身材放手一搏!九十年代三級片當道,不少女星投身三級行列,撈一筆後結婚或轉型,成功例子不少。

嫁富商 葉玉卿

為求突破, 91年開始連拍幾部三級片,之後鳴金收兵,搖身一變成為無綫司儀、拍戲出碟,大受歡迎。 98年與美籍富商胡兆明結婚,移居美國退出娛圈,現時一家五口,住在佔地廿七畝的長島堡壘。

國際化 舒淇

舒淇 96年被王晶睇中拍《玉蒲團之玉女心經》,再憑《色情男女》升呢攞獎,然後成為影后,逐步邁向國際。

金馬影后 李麗珍

突破玉女形象,李麗珍 94年裸露拍攝《李麗珍寫真集》及接拍三級片, 96年暫退影壇, 99年復出拍《千言萬語》成為金馬影后。

鍾意就快D Share啦!
Related Posts Plugin for WordPress, Blogger...